څه فکر کوئ، د جنت د حورو او غلمانو د هوس جل وهونکو؟!
د شهید شویو سرتیرو په دلګي کې به د یوې داسې کورنۍ د رڼا څرک او اسره، نه وي تته شوې، چې سپین سري مور او په ملا کړوپ پلار ولري؛ اوس د هغوی لپاره د ژوند کولو کومه وسیله شته؟!
څه فکر کوئ، د جنت د حورو او غلمانو د هوس جل وهونکو؟!
د شهید شویو سرتیرو په دلګي کې به د یوې داسې کورنۍ لاس نېوونکي ژوند له لاسه نه وي ورکړی، چې په کور دننه لس پیغلې خویندې ولري! د دوی راتلوونکی څه ډول دی؟!
څه فکر کوئ، د جنت د حورو او غلمانو د هوس جل وهونکو؟!
د شهید شویو سرتیرو په دلګي کې به د یوې ځوانې مېرمنې سردار د مرګ داعي لبیک نه وي ویلی! چې د واده یې؛ لا څو ورځې تیرې شوې وي!
څه فکر کوئ، د جنت د حورو او غلمانو د هوس جل وهونکو؟!
د شهید شویو سرتیرو په دلګي کې به یوه داسې ځواني او بشر تر خاور لاندې، نه شي چې د خپلې نامزدې کور ته یې د واده د جمتوالي په خاطر توکي وړي وي!
څه فکر کوئ، د جنت د حورو او غلمانو د هوس جل وهونکو؟!
د شهید شویو سرتیرو په دلګي کې به د یو داسې نازولي ماشوم پلار د مرګ ترخې نه وي څکلې! چې خپلې تنکۍ هیلې (زوی) ته یې د وړکي سایکل د راوړلو وعده ورکړې وي!
څه فکر کوئ، د جنت د حورو او غلمانو د هوس جل وهونکو؟!
د شهید شویو سرتیرو په دلګي کې به د یوې داسې کورنۍ ګل نه وي، شهید شوی چې د رنځورې مور د تداوۍ لپاره، خپلې وروستۍ تنخوا ته شپې او ورځې سبا کولې!
څه فکر کوئ، د جنت د حورو او غلمانو د هوس جل وهونکو؟!
تاسې یوه ستره غزا وکړه، الله تعالی ته پر سجده پراته معصوم پوځیان؛ مو شیهدان کړل!
۱۳۹۶/۲/۳ ص، ف دفتر جلال اباد
