ليکنه: نوراحمد عايل
.
د سوريې هېواد په يوه زېږنتون کې د يوه ماشوم زېږېدلو ؛ نرسان او ډاکټران ټول حيران کړل
د سکای نيوزله پېښو څخه راپورورکونکې ډلې د راپور پر بنسټ د سوريې د (حلب) په نامه د ماشومانو په روغتون کې دا ماشوم زېږېدلى، چې څلور پښې لري ،ډاکټران يې د دوو اضافي پښو عملياتو ته ځان چمتو کوي .
ډاکټران وايي چې په اصل کې دا دوه غبرگ لوني دي، خو د دويم جنين وده د جنيټکي اختلال له امله د لګن خاصرې د جوړېدو په مرحله کې درېدلې ده.
دا ماشوم دم ګړۍ له ځانگړي څار لاندې دى ، اصلي اورگانونه يې په کم ناقص والي سره يو دي ، چې کېداى شي عمليات يې تر ډېره بريده بريالي نه شي ،دماشومانو د حېرانونکي زېږون پېښې په داسې حال کې ډېرې شوې دي ،چې څلور مياشتې مخکې د زمري په شپږمه د فلپين په پلازمېنه مانيلا کې د (جوزه فابلا) په زېږنتون کې هم يوې ښځې دوه سرى ماشوم زېږولى و او له هغه را وروسته شاوخوا درې څلور ورځې مخکې هم د مصرهېواد کې دوه سرى هلک زېږېدلى و..
