بسم الله الرحمن الرحیم
کابل – د سرطان ۲۹ نیټه ۱۳۹۵
د خوږیاڼو ولسوالیو کې د حکومتی ځواکونو او طالبانو ترمنځ په جګړه کې ملکی وګړو ته مرګ ژوبله او مالی زیانونه اوښتی دی
.........................................................................................................
د ننګرهار ولایت د خـوږیاڼيـوپه دریو ولسـوالیـو ( شیـزراد، خوږیـاڼي او پچیراګام ) کې د څوکالونو راهیسی نا امنیۍ ورځ تربلی زیاتیږي، چې په یادو نا امنیو کې د سیمو ډیرخلک شهیدان، ټپیان او کډی کولو ته مجبور شـوي دي، په تـیره یوه اونۍ کې د خوږیاڼيـو وزیرو سیمه کې د حکومت او طالبانـو ترمنځ بیا ځلی جـکړی پرمهال د میــرمنو او ماشـومانو په شمول په لس هاوو عام وګړو ته مرګ ژوبله اوښتی، او د یادي سیمی ډیر خلک کډه کولو ته مجبور شول.
د خوږیاڼیو یادې ولسوالۍ د پوځي اهمیت له مخې د پاکستان سره ګډه اوږده پوله لري،له همدې امله د دغه ولسوالیو ولسونه د خپلو امنیتي منسوبینو څخه کلک ملاتړکوي خو د هر لورې ملکي وګړو ته مرګ ژوبله او دوی ته مالي زیانونه اړول ورته د منلو وړ نه دي .
که له یو لورې ترسره شویو عملیاتو په یاده سیمه کې کوم مثبت تاثیر نه دی کړی او همدا راز د ولسونو او حکومت ترمنځ د فاصلې د لا زیاتېدو لامل شوی،په ورته وخت کې په ترسره شویو عملیاتو لګول شوی بودیجه هم ضایعه شوې او له امله یې د حکومت د مخالفینو پر ځای (په لس هاوو) ملکي وګړو ته مرګ ژوبله واوښته.
د دغه عملیاتو له امله په خوږیاڼیو کې سلګونه کورنۍ کډوالې شوي،چې ګڼ شمېر یې د ننګرهار ولایت مرکز جلال اباد ښار او چمتلی ښار ګوټی کې اوس بې سرپناه او پرته د خوراکي او غېرې خوراکي توکو له مرستې ژوند تېروي .
همدا راز د خوږیاڼیو د پچیراګام ولسوالۍ سلګونه کورنۍ چې د داعش د ګواښونو له امله د ننګرهار ولایت مرکز جلال اباد ښار ته راکډوال شوي،نارینه یې د داعیش سره په جګړه کې په مورچلو کې پراته دي،چې له دغه کار څخه یې موخه د ځپل ځان ساتنې ترڅنګ له خپلې خاورې څخه دفاع کول دي .
که څه هم په خوږیاڼیو ولسوالیو کې شته ستونزې د ننګرهار سیمه ییزو چارواکو سره وخت په وخت د حل په موخه شریکې شوي خو کومه ګټه یې نده ورکړې له همدې امله د خوږیاڼیو سراسري شورا د مطبوعاتي کنفرانس په ترڅ کې د جمهور رئیس، اجرایه ریاست، ملي دفاع،کورنیو، کډوالو چارو وزارتونو او ملي امنیت عمومي ریاست باندې غږ کوي،چې:
په درنښت
د خوږیاڼوسراسري شورا
