
محمدرحیم سکندر
یو کال (۳۶۵) ورځې دی او که دغه ورځې په نننیو لمانځغونډو ، رخصتیو او کلیزو وویشو نو دغه رخصتۍ ورباندې ډېریږي هم . بله دا چې که څوک په دغو ورځو کې برخه را سره واخلي ؛ والله ټک کار هم رانه وکړي . که نه یې منئ راځۍ ورباندې ویې ویشو او دا لوړ ټارکېټ ( هدف) به را ایسار کړو .
۱- دنوي کال ورځ
۲- دانتخاباتو ورځ
۳- دمور ورځ
۴- دپلار ورځ
۵- دماشوم ورځ
۶- دسفایۍ ورځ
۷- دخندا ورځ
۸- دحسن حُسن دماتم ورځ
۹- درڼا خواړه (چې سباته روژه وي)
۱۰- دکوچني اختر درې ورځې (۱۲)
۱۱- دشهیدانو ورځ
۱۲- دروسانو د وتو ورځ
۱۳ – د لوی اختر درې ورځې (۱۷)
۱۴- دافغانستان دازادۍ ورځ .
۱۵- په کال کې خو تر لسو ورځو پورې د دوستانو او ملګرو ودونه او خیراتونه هم وي . (۲۸)
۱۶- د خسرګنۍ ورځ .
۱۷- دغوالویشلو نړیواله ورځ .
۱۸- دزوی کلیزه .
۱۹- تقریباً (۵۱ او ۴۸) د جمعې مبارکې ورځې ( ۸۲)
۲۰- درې میاشتې دمعارف لخوا ژمنۍ رحصتۍ .( ۱۷۲)
۲۱- لس ورځې دلیکوال اوشاعر دتلین ورځې . (۱۸۲)
۲۲- لس ، لس ورځې خو په اخترونو کې او له امتحانونو وروسته دشاګردانو او محصلینو لپاره رخصتۍ وي . (۱۹۲)
۲۳- لس ورځې د دستار فضیلت غونډې . (۲۰۲)
۲۴- د چوپتیا ورځ .
۲۵- دمظاهرې ورځ .
۲۶- دناروغ بیولو ورځ .
۲۷- له ماماګانو کره دوه درې ورځې تېرول . (۲۰۸)
۲۸- دخیرات ورځ .
۲۹- دختم ورځ .
۳۰- د پګړۍ اونۍ .
۳۱- پنځه ورځې پخپله رښتیا او یا د پلمې ناروغي . (۲۱۶)
۳۲- لس ورځې دکابل په غونډو او سمینارونو کې ګډون کول . (۲۲۶)
۳۳- لس ورځې د بېلابېلو ولایتونو په غونډو او ورکشاپونو کې برخه لرل . (۲۳۶)
۳۴- دجامو ګنډلو ورځ .
۳۵- شل ورځې بزګري ( کرل ، ریبل او خوندي کول ) (۲۵۷)
۳۶- درې ورځې دحاجیانو سره تیرول . (۲۶۰)
۳۷- دښار صفایۍ ورځ .
۳۸- یو بل ته دخوبونو بیانولو ورځ .
۳۹ – پنځه ورځې دچکې (لډو) ټورنمېنټ . ( ۲۶۷)
۴۰ – د درواغو نړیواله ورځ .
۴۱- د ځوانانو نړیواله ورځ .
۴۲- د فسبوک نړیواله ورځ .
۴۳- د ثور اوومه او اتمه . (۲۷۲)
۴۴ – د فساد پر ضد نړیواله ورځ .
۴۵- د اېډز ناروغۍ نړیواله ورځ .
۴۶- پنځه ورځې د فراغت جشن ورې .( ۲۷۹)
۴۷- د کتاب اونۍ .
۴۸- د فرانسوي ږیرې نړیواله ورځ .
۴۹- اووه ورځې د احمد شاه مسعود تلین لمانځل . (۲۸۸)
۵۰- د ملا محمد عمر تلین .
۵۱- د اسامه بن لادن تلین .
۵۲- د ډاکټر نجیب الله تلین .
۵۳- د خوشال بابا تلین .
۵۴- د رحمان بابا تلین .
۵۵- د سلیمان لایق زوکړه .
۵۶- د سترګو جنګولو نړیواله ورځ .
۵۷- د مینو نړیواله ورځ .
۵۸- د جدايۍ نړیواله ورځ .
۵۹- درې ورځې د تبلیغانو اشتماع . (۳۰۰)
۶۰- لس ورځې په دولتي ادارو کې کار لرل ( تذکره ، پاسپورټ ، اسناد او نور ...) جوړول . خدای ج) دې ترې ساته (۳۱۰)
۶۱- لس ورځې د بندیانو د ملاقات . (۳۲۰)
۶۲- لس ورځې له ملګرو سره مشهورو زیارتونو ته تګ او چکر وهل . ( ۳۳۰)
۶۳- د زیري ورکولو نړیواله ورځ .
۶۴- د څادر اونۍ .
۶۵- د واسکټ اونۍ .
۶۶- د قلم نړیواله ورځ .
۶۷- د ماشوم پالنې نړیواله ورځ .
۶۸- د فرخندې تلین .
۶۹- د کندوز د سقوط په اړه حیرانیدل .
۷۰- د رایې کارونې ورځ .
۷۱- د خلقیانو د ماتې ورځ .
۷۲ – د طالبانو د حکومت چپه کیدلو ورځ .
۷۳- درې ورځې د دولت او یا د مخالفینو لخوا د عملیاتو لپاره په کور پاتې کیدل . (۲۴۴)
۷۴- په اوړي کې درې ورځې لویو ، لویو ډنډونو ته د لامبو لپاره تلل . ( ۲۴۷)
۷۵- په ژمې کې د کور د بامونو کاګېل .
۷۶- د کلي د جومات بام جوړول او کاګېلول .
۷۷- د سترګک نړیواله ورځ .
۷۸- نوروز ( نوی کال)
۷۹- د سولې نړیواله ورځ .
۸۰- د اټوم بم نړیواله ورځ .
۸۱- د ګډا او ډانس نړیواله ورځ .
۸۲- د ورزش د ( المپیک لوبو ) نړیواله ورځ .
۸۳- میاشتنۍ مشاعره .
۸۴- کلنۍ مشاعره .
۸۵- د نشه یي توکو پر ضد نړیواله ورځ .
۸۶- د زیږدنې کلیزه .
۸۷- له ملګرو سره صحبت (اشر) .
۸۸- په وچ کالۍ کې د استسقاء لمانځه ته درې ورځې رخصتي . ( ۲۶۳)
۸۹- د لاسي صنایعو اونۍ .
۹۰- د ژاولو ژوولو او ټسولو نړیواله ورځ .
۹۱- د لوی اختر لپاره د براق ( قربانۍ) رانیولو لپاره منډيي ته تلل .
۹۲- له پوزې د ويښتانو باسلو نړیواله ورځ .
۹۳- د مدني فعالیت نړیواله ورځ .
۹۴- د چاپلوسۍ نړیواله ورځ .
۹۵- د رشوت اخیستلو نړیواله ورځ .
۹۶- د بشري حقوقونړیواله ورځ .
۹۷- د مېک اپ او سنګار نړیواله ورځ .
۹۸- د لب چوشۍ نړیواله ورځ .
۹۹- د کارګر کولو نړیواله ورځ .
۱۰۰ – پر افغانانو د لوبو وهلو نړیواله ورځ . (۳۷۵)
۱۰۱- د معیوبینو او معلولینو نړیواله ورځ .
۱۰۲- د کولنګي چرګ کلیزه .
۱۰۳- د کونډو او یتیمانو نړیواله ورځ .
۱۰۴- په ژمي کې هر پنجشنبه د سپیو میله .
۱۰۵- د خره او سپي سره د واده کولو نړیواله ورځ . (۳۸۰)
نور یې ستړی کړم ؛ ګني د دې هومره نورې ورځې هم راته یادې دي .
زمونږ اخترونه چې څومره پیکه ښکاري ، لوی علت یې همدغه لمانځغونډې ، کلیزې ، تلین ، زوکړې ، او رخصتۍ دي .
الله تعالی د خوشالۍ لپاره مونږ ته دوه اخترونه راکړي دي ، خو مونږ بیا هم اکثره وخت داسې ډول ته څڼې غوړې کړې وي . چې پردیو له بل چا خپل غچ اخیستی وي او په دې خوشالۍ کې یې ساز برابر کړی وي .
همدغه ډېرې رخصتۍ دي چې له علم او کار څخه یې باسلي یو . ددې ورځو په راټولولو ما د ا څو کاله خواري کړیده او اکثره ورځې مې له فسبوک نه راټولې کړیدي . پوه سړی به و بس په فسبوک کې به یې نا اشنا ورځ لمانځله . ځینې داسې ورځې به یې هم ور سره لمانځلې چې زه یې دلته په لیکلو هم شرمیږم .
اکثره لمانځغونډې په احساس نه دي ولاړې او که وي هم د نفاق او شر خوټولو احساس ور سره وي او اکثره غونډې نمایشي او فرمایشي رنګ لري .
د درواغو نړیوالې ورځې یو تاوان دا هم دی ، چې په دې ورځ به څوک رښتیا خبره هم نه مني ، شاید یو څوک داسې دروغ ووايي چې په مقابل لوري د زړه حمله راشي .
د مور نړیوالې ورځې په مناسبت سید شاه سعود لیکي :
تاسوې د مور لپاره کال کې یوه ورځ ټاکلې
زما خو هره ورځ د مور ده هره ورځ یې زوی یم