چهارشنبه
23/10/1394
د لوګر د ځوانانو ټولنيزې اوکلتوري ټولنې د پوهنې کیمټې د نورو کالونو په شان سږ کال هم سلګونه بې وزله، اړو یتمانو ته د دیني، اسلامي،ساینسي، او کمپیوټر په برخو کې د زده کړو درې میاشتنې زمینه برابره کړي.
ددغه ښوونیز پروګرام پرانېست غونډې ته د لوګر د ځوانانو ټولنیزې او کلتوري ټولنې مشر خان ولي " احمدزی " وویل؛ دغه لړۍ یې د ټولنې د غړو په مالي ملاتړ پیل کړي او دوه سوه بې وزله او اړو ځوانانو ته ورکې د زده کړو زمینه برابره کړي ده.
احمدزي زیاته کړه هره ټولنه چې په علم او پوهې سمبال شي هیڅکله خپل اصلې لورې نشي بدلولاې.
هغه د لوګر ولایت په بډایه خلکو غږ وکړ چې د لوګر د ځوانانو ټولنیزې او کلتوري ټولنې د پوهنې کمیټې لاسنېوی وکړي څو وکولاې شي، چې د لوګر ولایت ټولو سیمو ته د خپلو وړیا زده کړو لړۍ وغځوي.
غونډې ته د لوګر د ځوانانو ټولنیزې او کلتورې ټولنې یو شمیر غړیو، محمد حنیف " احمدزی "، الیاس " محبت "، او حبیب الرحمان " کاکړ " هم خبرې وکړي او زیاته یې کړه چې د لوګر ولایتې اداره په ځانګړې توګه د لوګر د پوهنې ریاست یو شمیر کارکوونکي د دې پرځای چې زمونږ لاسنېوي وکړي بلکې زمونږ د خدمتونو مخه هم ډپ کوي.
د غونډې په پای کې د محمداغې ولسوالۍ قومې مخور حاجې شیراغا کوچي د لوګر د ځوانانو ټولنیرې او کلتوري ټولنې ټول خدمتونه وستایل او زیاته یې کړه چې د لوګر ټول ولس د دوې ملاتړ کوﺉ.
باید وویل شي چې د لوګر د ځوانانو ټولنیزه او کلتوري ټولنه د تېرو دریو کالونو راهیسې په دغه ولایت کې سلګونه ځوانانو ته په خپلو سیمو کې د دیني، ساینسي، او عصرې زده کړو وړیا زمینه برابره کړې.
د رسنیو کمیټه
