زما په زړه کې میشت غمونـــه ځکه دي خواږه
ملتیا یې کــــــوي ستا یادونــــه ځکه دي خواږه
په تلو کې دراتلو لوظ خو اظهار وي د بیا وصل
په تلــــو کې دراتلـــــو لوظونه ځکه دي خواږه
وطن،مــور او یار درې واړه دمینې نمــــونې
د درې واړو نومـــو لفظونه ځکه دي خــــواږه
تنها د غزل ډیره برخـــه یارته کړه ځانګړې
تنها دغزل ډیر بیتونـــــه ځکــــه دي خواږه
ـــــــــ مجیده تنها ــــــــ
