په انګلستان کې یوې نوې څیړنې په ډاګه کړې ده،چې دورځې له مخې نیم ساعت خوب دتي رودونکو ماشومانو له حافظې سره مرسته کوي او د زده کړو پرمهال عصري مهارتونه ژر زده کوي .
دا څېړنه د انګلستان شیویلډ پوهنتون اودالمان روهر پوهنتون په ګډه ترسره کړې ده او تېره چهارشنبه یې پایلې اعلان کړې .
دوی دماشوم پر حافظه دغرمې دخوب داغیز د څرګندولو په موخه نږدې 216 ماشومان، چې عمرونه یې د 6 او 12میاشتو ترمنځ وو تر خپلې څارنې او تجربې لاندې ونیول .
څیړونکو ته جوته شوه، چې تي رودنکي ماشومان دغرمې له خوب وړاندې ډېر ښه مهارتونه زده کولای شي څیړونکو ته دا هم جوته شوه کوم ماشومان ،چې د دیرشو دقیقو په مخه بیده شوي وو دوی له هغوي ډېر تکړه راوختل ،چې خوب یې نه وو کړې .
څیړونکي داهم وايي : چې له دېرشو دقیقو کم خوب معیاري نه دی او ماشومان نه شي کولای، چې دنوو معلوماتو په اړه پر خپلې حافظې فشار راوړي .
ډاکتر جین هربرټ وايي: دا پایلې دپاملرنې او اهتمام وړ دي ، میندې ، ښوونکي باید دې ټکي ته متوجه شي ځکه تي رودنکو له خوب وړاندې ډېر څه زده کولای شي .
نوموړی زیاتوي : اوس ټول پردې پوهیږي،چې دتي رودنکو ماشومانو د زده کړې لپاره غوره وخت له خوبه وروسته دی ، خو زموږ څيړنې په ډاګه کوي، چې هغه فعالیتونه، چې دماشوم له خوبه وړاندې وي دا بیا دماشوم په ذهن کې تر ډيره پاتې کیږي . او ماشوم ته هم ارزښت لري .
ډاکتر هربرټ وايي : که چیرې له خوب وړاندې موروپلار له ماشوم سره په ګډه کوم فعالیت ترسره کړي دبیلګې په توګه دلنډې کیسې لوست دا ډول فعالیت دماشوم حافظې ته وده ورکوي .
