بانجان د سرطان او کلسټرول مخه نیسي او .... زیاتوي
دچاغښت او ډنګرتوب دبرخې متخصص ډاکتر محمدحلمي وايي : بانجان د(انیمیا) ضد دی ، بانجان له وسپنې او نورو ویټامینو لکه C,Aڅخه برخمن دي،چې دانسان ورته اړتیا لري .
بانجان کولای شي،چې دسړیو او ښځو هرمون منظم کړي پردې سربېره دانسان دسکسي ځواک دپیاوړتیا په برخه کې هم ګټور ثابت شوی دی .
ډاکتر خپل شاګردانو ته سپارښتنه کړې ده ،چې دزده کړې پرمهال بانجان خورئ ځکه دا دمغز حجرې فعالوي او د درس په زده کړه کې درسره مرسته کوي ، ددې ترڅنګ بانجان دانسان له بدن څخه د زهري موادو په ویستلو کې مرسته کوي او دسرطان مخه نیسي .
ډاکتر حلمي وايي : بانجان په وینه کې دمضر کلسټرول په راکمولو کې هم مرستندویه رول لوبوي او هغو ناروغانو ته هم ښه دی،چې دزړه ناروغي لري او یا یې رګونه تنګ شوي وي ، شکر درلودنکي ناروغان کولای شي ،چې وریت شوي یا جوش شوي بانجان وخوري ، خو که څوک دمعدې یا هاضمې ستونزه لري باید دبانجانو له خوړلو ډډه وکړي ځکه هضمول یې سخت دي.
