خرڅ کړی دی په نورو خپل ضمیردی ګوډاګیه
ھرکاردې د پردیو په تدبیر دی ګوډاګیه
ھرڅه دی د پردیوپه فرمان کوې، غلام یې
په غاړه کی دې پروت د بل ځنځیردی ګوډاګیه
داڅولسیزی کیږي وطن ستا په اورکی سوځي
په جنګ کی ستا د لاسه ټول راګیردی ګوډاګیه
ځوانان مود قلم په ځای توپک ته ھوسیږي
داټول ستا د راوړي جنګ تاثیردی ګوډاګیه
خوښۍ دې رانه یوړې، د غمونوقاصد جوړیې
راوړی دې وطن ته ھروخت ویردی ګوډاګیه
اوس ستا په شیطانت، شیطانه ھرافغان خبردی
په تا باندی یې نوم ایښی " شریر" دی ګوډاګیه
په ضد دې ولسونه ټول قیام ته پورته شوي
پوه شوی ټول ملت ستا په تزویر دی ګوډاګیه
الحاج الھام الدین قیام
والدورف/جرمنی
۱۱/۰۹/۲۰۱۴
