شتمن او مالدار تل د خپل ھوس په غم کی وي
په خیټه وږي خلک د خپل نس په غم کی وي
زورواکي او چورواکي د وطن په چور لګیا وي
ریښتینی مشران تل د خپل ولس په غم کی وي
ھغوی چی په ځانو مین وي،ھرڅه ځانته غواړي
په ټول ملت مین خو د ھر کس په غم کی وي
وسي سړی مدام د بل وسي په حال خبروي
بی وسه ھم مُدام د بل بیوس په غم کی وي
قیامه مالیار ھغه دی چی ټول ګلبڼ ته رسي
د ھرګلاب ترڅنګ د ھرنرګس په غم کی وي
الحاج الھام الدین قیام
والدورف/جرمنی
۰۳/۰۷/۲۰۱۴
