۱۳۹۲کال د غويي ۲۳ نېټه
د پکتيکا ولايت چارواکي په یوه رالیږل شوي خبر کې وايي، چې په خيرکوټ او اومنې ولسواليو کې د دوو جلا جلا کمينونو په ترڅ کې درې تنه وسلوال مخالفين وژل شوي دي
د خبر له مخې، دوو تنو وسلوالو مخالفينو نن سهار نږدې لس بجې پلان درلود تر څو د پکتيکا ولايت خيرکوټ ولسوالۍ مېست کلي د لويې لار امنيت ګډ وډ کړي چې په سيمه کې د سيمه ييزو پوليسو له کمين سره مخ شول، د وسلوالو مخالفينو او سيمه ييزو پوليسو تر مينځ لنډه نښته شوي چې له امله يې دوه تنه وسلوال مخالفين وژل شوي يو موټر سايکل دوه کلاشنکوفونه د سيمه ييزو پوليسو لاس ته ورغلي دي
یاده سرچینه د يوه بل رېپوټ له مخې خبر راکوي، چې ملي پوليسو او ملي امنيت ځواکونو د يوه کشفي راپور پر بنسټ د پکتيکا ولايت اومنې ولسوالۍ د زواکې په سيمه کې يو تن وسلوال مخالف د يوه کمين په ترڅ کې وژلی دی او په دواړو پېښو کې ملکي وګړو او يا هم امنيتي ځواکونو ته مرګ ژوبله نده اوښتي.
