د روهي ويبپاڼی يادونه: د دې کتاب لومړۍ برخه له چاپه پاتې وه؛ دا دی قدرمنو لوستونکو ته وړاندې کيږي.
زما د يادا ښتونو ټولګه
۲۰۰۳ – ۲۰۰۵ کال
شاه محمود مياخيل
ډالۍ
دا کتاب خپل پلار سيد محمود حسرت تهچې شل کاله يي د کورنيو چارو وزارت په مرکز او بيلا بيلو ولايتونو کې دنده اجرا کړې او همدا شان د کورنيو چارو وزارت ټولو منسوبينو ته چې دهېواد په امنيت او اداره کې ستونزې گاللي ، قرباني يي ورکړې او شپه او ورځ يي د ډېرو سختو شرايطو لاندې نه ستړي کيدونکي هلې ځلې کړي او کوي يٍي ډالۍ کوم
کتاب پېژندنه
 |
د کــتــــاب نــــــــوم: د کورنيو چارو وزارت لاسته
راوړنې او خنډونه
لــــــــيکـــــــــــــــوال: شاه محمود مياخېل
چــــــــاپــــشمــــــېر: ١٠٠٠ ټوکه
چـــــــــاپــــــــــــکال: ١٣٩٠ل کال
کــــــمـــــــــــــپوز: ساحل
ډيزاين: ضياء
لړ ليک
ګڼه سرليک مخ
١ د سر څو لنډې خبرې ا
٢ سريزه ج
٣ د کورنيو چارو په وزارت کې د کار لامل ١
٤ په کورنيو چارو وزارت کې د ستر ... ٨
٥ بلخ ولايت ته سفر ١٩
٦ سمنګانو ولايت ته سفر ٢٧
٧ جوزجان ولايت ته سفر ٣٤
٨ د مزار نه هرات ته سفر ٤٣
٩ اسلام قلعه، انجيل، زنده جان، غوريان... ٤٦
١٠ د شين ډنډ او ادرسکن ولسواليو نه کتنه ٥٢
١١ د هرات ولايت د مختلفو قومونو او... ٦٢
١٢ د کورنيو چارو وزارت کې د ستر... ٦٦
١٣ د ملګرو ملتونو د يونما دفتر له مشر... ٧٨
١٤ د ايساف مشر جنرال نوربت وين هيسټ ٨٢
١٥ په مزار شريف کې د جنرال عطامحمد ... ١٠٧
١٦ فيصله کميسيون مؤظف در ولايت بلخ... ١٢٦
١٧ پاکستان ته دکورنيوچارو د وزير رسمي سفر ١٢٨
١٨ د کورنيو چارو په وزارت کې د ولسواليو... ١٤٥
١٩ روسيې ته د کورنيو چارو د وزېر ښاغلي... ١٤٥
٢٠ د ملګرو ملتونو د سر منشي ځانګړي... ١٦٩
٢١ د پروان د PRT افتتاح او دقبايلو ... ١٧٦
٢٢ د ترکي انجينر خوشې کيدل ١٧٦
٢٣ دهرات د PRT افتتاح ١٧٩
٢٤ په جلال اباد کې د اساسي قانون د لويې جرګې... ١٨٠
٢٥ د جرمني په سفارت کې د مرستندويه هيوادونو... ١٨٧
٢٦ په ترافيکې پيښه کې زما ورور سيد معصوم... ١٨٨
٢٧ د استاد کريم خليلي تر مشرۍ لاندې د بې... ١٩٠
٢٨ پکتيا ولايت مشرانو سره د کورنيو چارو د وزېر... ٢٠٥
٢٩ د کابل د پوليسو د تعلمي مرکز څخه د پوليسو... ٢٠٩
٣٠ جنوبي ولاياتونو (پکتيا ، پکتيکا خوست او لوګر)... ٢١١
٣١ په قطر کې د افغانستان د پوليسو سره ... ٢٢١
٣٢ کابل ته د جرمني د کورنيو چارو وزېر... ٢٣٠
٣٣ د ناټو د مشرانو سره د کتنې لپاره د افغانستان... ٢٣٢
٣٤ د سرپل په ولايت کې د جنرال دوستم ... ٢٣٤
٣٥ د کورنيو چارو د وزېر علي احمد جلالي... ٢٣٦
٣٦ په انټر کانټېننټال هوټل کې د مخدره... ٢٤٠
٣٧ د دولت رئيس حامد کرزي د ۲۰۰۴زکال... ٢٥٤
٣٨ د کورنيو چارو وزارت د اداري معين په ... ٢٦٠
٣٩ د DynCorp د دفتر سره چادونه ٢٦٤
٤٠ د هرات والي اسمعيل خان تبديليدل ٢٦٦
٤١ د سمنګانو د ولايت د مرسيتال حاجي ... ٢٧٣
٤٢ د فراه PRT افتتاح ٢٧٦
٤٣ د حضرت اکبر وفادار شعر ٢٧٨
٤٤ په افغانستان کې د جمهوري رياست لپاره... ٢٨٠
٤٥ په کابل کې د ملګرو ملتونو د درې .... ٣٠٢
٤٦ دکورنيو چارو په وزارت کې د واقعاتو يا پېښو... ٣٢٢
٤٧ د واليانو، ولسوالانو او امنيه قوماندانانو تقرر... ٣٣٠
٤٨ د امريکا د متحده ايالاتو سره د … ٣٤٠
٤٩ د بغلان، سمنګان او بلخ ولايتونو ته د... ٣٥٦
٥٠ د پنجشېر د والي ضابط بهلول تقرر ٣٦٥
٥١ د قاضي القضات له خوا ټيلفون ٣٦٨
٥٢ د کورنيو چارو د وزارت نه زما استعفا ٣٧٠
٥٣ د ښاغلي شاه محمود مياخيل لنډه پيژندنه ٣٩٧
دسرڅو لنډی خبری
ډېر خوشاله يم چی زما ګران اوپياوړئ همکار ښاغلئ شاه محمود مياخېل دا زحمت په ځان ومانه چی خپلی هغه خاطری چی د کورنيو چارو په وزارت کی ئی دڅومهمو کلونو په دوران کی را غونډی کړی او ليکلی وی په دی کتاب کی هيوادوالوته وړاندی کړی.
د ۱۳۸۲ ـ۱۳۸۴ کلونو په دوران کی چی ښاغلئ مياخېل د کورنيو چارو په وزارت کی زما نژدې همکارودافغانستان دولت په ملک کی دسولی دټينګولو او دولتی موسساتودبيا جوړولواو سمبالولوپه چاروکی له سترو چلنجونوسره مخامخ و. په دی لړ کی دکورنيو چارو دوزارت تر ټولو لوئی ننګوونی دملی پوليسو جوړول، دهغوی روزل او په يوه مسلکی اډانه کی ددغو ځواکونوموسساتی سمبالول و. په دې برسېره هغه مهال دکورنيو چارو وزارت د محلی ادارومسئوليت هم په غاړه درلوداو مياخېل صيب داداری معين په حيث ددی برخی مسئول و.
سخت کلونه و. ستونزی پرېمانه او زورواکان بيباکه اوخپل سری و. محلی ټوپکسالارانو دمرکزی دولت د اوامرو منلو ته زړه نازړه و او مليشييانو ته دقانون ماتول نصوار هم نه و. امکانات محدود او سياسی ملاتړنيمګړی و. په دغو سختوشرايطو کی دکورنيو چارو وزارت په عين وخت کی په تش لاس په څو جبهو کی مبارزه کوله تر څو په هېواد کی د امنيتی ځواکونو اساس کېږدی، سالمی محلی اداری رامنځته کړی ا و زوروردقانون تابع وګرزوی. په هغه وخت کی دکورنيو چارو د وزارت 
اجرآآت او لاس ته راوړنی ښائی دهمدی شرايطو په نظرکی نيولو سره وارزول شی. ددغو اجراآتو يو شمېر نمونې چی په ګزارشی ډول ليکل شوی د مياخېل صيب په دی کتاب کی وړاندی شويدی اودهغوپه باب قضاوت به لوستونکی پخپله وکړی.
زه له ښاغلی مياخېل صېب سره له ډېره راهيسی پېژنم او هېڅکله می دهغه په صداقت، وطن پالنی، اداری او سياسی تقوا کی شک ندی کړئ. اوس چی زه دده دا کتاب لولم نو وينم چی دخپل ماموريت د وخت ټولی پېښی ئی په امانت دارۍ سره د لوستونکو په مخ کی ايښی دی. زه دده ددغه زيار او حوصله مندۍ مننه کوم او دا کتاب دهېواد دتاريخ دڅو حساسو کلونو دپېښو د روښانولو دپاره ډېر مهم او غنيمت بولم. لوی خدای (ج) دی نور هم توفيق ورکړی.
کابل، د۱۳۹۰ کال د ثور مياشت
پروفېسرعلی احمد جلالی
بسم الله الرحمن الرحيم
سريزه:
د ډېرو کلونو راپدېخوا د ورځنۍ پيښو او دخپلو تاثراتو ياداشتونه ليکم چې دا کار زياتې ښيګڼې لري. له يوې خوا د دې ياداشتونو نه د کاري ژمنو او د نظرياتو په عملي کولو او تعقيب کې ګټه اخستل کيږي نو له بل پلوه که څوک غواړي چې دخپلو ياداشتونو مجموعه ټولنې ته د يو مستند سند په توګه وړاندې او خپل تاريخي مسوليت ادا کړي نو دا ياداشتونه د ليکلو پر وخت ورسره زياته مرسته کوي.
دپيښو ثبتول په تاريخي لحاظ خورا اهميت لري ځکه نن که موږ په تېرو لسيزو او يا صديو خبرې او د پيښو قضاوت کوو نو زموږ استناد يوازې په هغه اسنادو ولاړ دی چې ثبت شوي او دخلکو په لاس کې دي شايد چې په تېرو وختونو کې ډېرې داسې مسلې پيښې شوي وي چې هغه ثبت شوي نه دي او نن ترې موږ اګاهي يا خبرتيا نه لرو.
د پيښو ثبتول زما په اند د هر افغان دنده ده اوهغه بايد چاپ او راتلونکي نسل ته په مېراث پريږدي تر څو زموږ راتلونکی نسل د دې اسنادو په رڼا کې د تېرو پيښو او يا شخصيتونو په هکله منصفانه او پرځای قضاوت وکړي او د راتلونکو پيښو په هکله ترې ګټوره پايله واخلي.
کله مې چې په کورنيو چارو وزارت کې په دنده پيل وکړ نو کار ي بوختياؤ سره سره مې د ورځنۍ پيښو ياداشتونه ليکل چې د دې کتاب مجموعه د دې ياداشتونو يوه بيلګه ده.البته کتاب ليکل او يا تاريخ ليکل درنده او با مسوليته دنده ده چې تاريخ ليکونکی بايد د پيښو او تصاميمو ټول اړخونه د هغه وخت د شرايطو په رڼا کې وڅيړي او بيا پرې قضاوت وکړي. څرنګه چې زه مؤرخ نه يم او هم د ليکوالۍ په فن پوره بلدتيا نه لرم نو ما يوازې د پيښو ګزارش په پوره امانت دارۍ ليکلی دی.
د دې خبرې يادونه ضروري بولم چې په دغه لنډه موده کې چې ما د کورنيو چارو په وزارت کې کار کړی ډېرې داسې پيښې نورې هم شوي چې يا خو يي ما سره ياداشتونه نه وو او يا د وخت د ضرورت په بنياد مې ټولې پيښې په دې کتاب کې نه دي ځای کړي.
د دې کتاب د ليکلو په وخت کې د کورنيو چارو وزېراودانشمندمشرعلي احمد جلالي ډېرې ښې مشورې راکړې خو د جلالي صيب د ټولو مشورو عملي کول زما له وس نه بهر و ځکه چې زيات وخت او کار ته يي ضرورت درلوده نو ما يوازې په ګزارشي بڼه قناعت وکړ او دتحليل او تجزيي برخه مې تاريخ ليکونکو ته پريښوده چې د دې کتاب نه د ريفرينس په توګه ګټه واخلي البته ما خپل دوه کتابونه مخکې هم په ګزارشي ډول ليکلي چې يو يي (( د واقعيتونو په بهېر کې )) او بل يي (( بيړنۍ لويه جرګه او په مشرقي ولاياتو کې د انتخاباتو بهېر )) نوميږي.زما ليکنې هميشه په همدې شکل په روانه او عام فهمه ژبه دي تر څو ترې په ټيټه کچه لوستونکي هم ګټه واخلي.زه د کورنيو چارو وزېرجناب علي احمد جلالي نه په خاصه توګه مننه کوم چې ماته يي د کورنيو چارو په وزارت کې د کار کولو موقع مساعده کړه تر څو خپل وطن او هېوادوالو ته ترخپلې وسې د خدمت جوګه شوم، د جلالي صيب له علميت، تجربو او لارښوونو نه ما خورا زياته ګټه اخستې او دکورنيو چارو په وزارت کې زموږ د موفقيت عمده عامل يوازې د ده دښې رهبرۍ پايله وه.
همدا شان زه د کورنيو چارو وزارت د امنيتي معين ډګر جنرال هلال الدين هلال نه مننه کوم چې د جلالي صيب تر رهبرۍ لاندې موږ د يو ښه ټيم په توګه سره کار کاوه چې د دواړو معنيتونو ترمنځ ډېرې ښې اړېکي وې او تر اوسه پورې موږ د ښه ملګرو په توګه سره اړيکي لرو، ددې نه برسېره زه د کورنيو چارو وزارت د ټول پرسونل (پوليس او مُلکي مامورينو) نه مننه کوم چې هميشه يي دپرګرامونو په عملي کولو کې ماسره مرسته کړې ده او همدا شان د کورنيو چارو وزارت رهبري هيئت ماته هميشه ښې مشورې راکړي چې د دوی مشورې هم دستاينې وړ دي چې ما ترې دکارونو په سمون او پرمختګ کې هميشه ګټه اخستې ده، زه د خپل دفتر له ريس عبدالواحد پټان او سکرتر محمد نسيم نه په خپل وار مننه کوم چې هميشه به تر ډېر ناوخته پورې ما سره په دفتر کې وو او زما ورځني کارونه به يي تنظيمول، د دې کتاب د ټايپ او چاپ په برخه کې راسره خپلو نږدې همکارانو اسدالله ساحل او ثنا الله تسل ډېره زياته مرسته کړې چې زه ورڅخه مننه کوم، که د دوی هڅونه نه وای نو دتېرو اوه کلونو په شان به څو نور کلونه هم تېر شوي وای چې ما دا کتاب چاپ ته تيار کړی وای. همدا شان عبدالوسع ساهو هم دټايپ په برخه کې زياته 
همکاري کړې چې دستاينې وړ ده.له حاجي صيب محمد حسن حسام نه هم په خپل وار مننه کوم چې د دې کتاب په وروستي ايډيټ کې يي دپوره دقت څخه کار اخستی زه ورته د اوږد ژوند هيله کوم.البته زما د ژوند په ټولو مرحلو کې زما کورنۍ او اولادونو هميشه زما د کارونو ملاتړ کړی او زه يي دې ته هڅولی يم چې خپلو خلکو ته تر خپلې وسې دخدمت جوګه شم که د دوی هڅونه او ملاتړ نه وای نو دا ممکنه نه وه چې خپل کارونه مې په ښه توګه سرته رسولي وای ټول دې ښاداو بريالي وي.
په ګران افغانستان کې د امن، سوکالۍ او پرمختګ په هيله
شاه محمود مياخيل
د قمبر څلور لارې
د فرورۍ ۲۶ نيټه ۲۰۱۱ کال دشنبې ورځ سهار لس بجي
