ایسا غواړی د افغانستان ملی صنایعو کنفرانس او نندراتون جوړکړی، بلخوا د زراعتی او خدماتی سکټورونو د جوازونو د فیس په
برخه هم کې کمښت راغلی
یکشنبه، ۱۶ میزان ۱۳۹۱ هـ ش ـ۷ اکتوبر ۲۰۱۲ مـ
ټاکل شوې ده
چې د افغانستان د پانګه اچونې د ملاتړ
اداری (AISA ) لخوا په کابل کې دصنایعو ملی کنفرانس او نندارتون جوړ شی .
دافغانستان د صنعتی کنفرانس او صنعتی نندارتون موخه
داده هغه ستونزې او مشکلات چی د
افغانستان صنعت کاران او
پانګه وال یې په مختلفو برخو کې لری وڅیړل شی او
دحل لارې چاری ورته په ګوته شی .
همدا راز په دغه صنعتی کنفرانس کې به په افغانستان کې دصنعت
او پانګه اچونې په برخه کې پرتې ننګونې له اړوندو سکټوری وزارتونو سره
څیړل کیږی او د حل مناسبه لاره به ورته په
نظر کې ونیول شی .
دغه صنعتی نندارتون او د صنایعو ملی کنفرانس د افغانستان دپانګه اچونې د
ملاتړ اداری (AISA ) لخوا او
دجمهوری ریاست د دویم مرستیال ښاغلی محمد کریم خلیلی چې د اقتصادی کمیټی د مشرتابه
دنده هم په غاړه لری په ملاتړ او د صنعت ګرانو د ټولنې په ګډه
همکاری به په نږدی راتلونکې کې په
کابل کې جوړه شې.
د یاده ولو وړ دی چې تر دې مهاله په افغانستان کې د 8,9 بیلونه امریکایی ډالرو په ارزښت په مختلفو برخو
کې پانګونه ترسره شوی، چې د یاد شوې پانګه اچونې دریمه برخه یی بهرنی پانګه والو
تشکیلوی .
له ۲۰۰۳ کال نه را په دیخوا د افغانستان د پانګې اچونې د ملاتړ اداره
تراوسه ۲۸ زره دپانګې اچونې رسمی جوازلیکونه ویشلی ، چې د یاد شوې شمیری څخه یی ۴
زره جوازونه بهرنیو پانګه والو ته په بیلا بیلو برخو کې ورکړی .
په همدی توګه د افغانستان د پانګه اچونې د
ملاتړ اداری لخوا په هیواد کې د ابتدایی او متوسط
پانګه والو د ملاتړ او هڅونې په موخه
د زراعتی او خدماتی سکټورونو د جوازونو د فیس په برخه هم کې کمښت راغلی .
