مينه کې ګټه هم تـــاوان شته دی
کله دیـــدن کله هجران شته دی
عمر که تیر شي نو يادونه د ژوند
د ښو شيبو سره ارمـان شته دی
د جوارګرو پــه کوڅو چې ورځي
هلته کې سود سره هم زيان شته دی
څه کړم قفقاز د لوړو غرونو ښکلا
چې مې پـــامير د بدخشان شته دی
زما سپين غر کې د سپرليو موسم
په هره سيمه ارغـــوان شته دی
لاس بــه په سر نشم د يارد د کلي
لا د ځواني مې څه دوران شته دی
سترګې پـــه لاره د راتلو يم ورته
زړه کې مې غلی شان ارمان شته دی
بيا بـــه ګيډۍ ،ګيډۍ د ګلو وروړم
چيرته چې مينه شته پيمان شته دی
-------------------------------
سميع الدين افغاني
١٧- ٧ - ٢٠١٢
م ٠ کال
