دتقدیر په لوی کتاب کې
مادخپل قسمت او برخې
لیک اوپاڼه لټوله
ماویل څوترخې شپې ورځې
به ترې لرکړم اوراکمې
څوشیبې،ګړۍ،لحظې به
دخوشۍ کړم پرې ورزیاتې
چې مې ومونده افسوس دی
هغه پاڼه دبرخلیک خپل
تکه توره وه،تیاره وه
ټکي،توري يې هم توروو
هم په تور رنګ لیکل شوې
ناڅرګنده،لیده نشول
چې یې څه پکې لیکلي؟
نمې څه شول کموی ترې
نه څه ور زیاتوی شول
نمې توان و چې یې څیرکړم
بس بې وسه مې کتله
دبرخلیک مې تیاره پاڼه
دتقدیرپه لوی کتاب کې
21/08/2011
جلال اباد
