![\"\"](\"/cp/FCKeditor/userfiles/rasul_amin1(1).jpg\")
کابل
د افغان ادبي بهير لخوا د تيرې جمعې په ورځ، د ارواښاد پروفيسر رسول امين د دوهم تلين ياد غونډه جوړه شوه. غونډه، چې له غرمې وروسته جوړه شوې وه او د ماښام تر ناوخته يې دوام وکړ، د افغان ادبي بهير د غړو او همدا راز د پياوړي ليکواﻻنو او د ارواښاد رسول امين سره نږدې پاتې شوي خلکو او همکارانو لخوا، د نوموړي د علمي او سياسي شخصيت په هکله هر اړخيزې خبرې وشوې.
په دې غونډه کې د پياوړيو ليکوالانو او شاعر ښاغلي پيرمحمد کاروان، نور الحبيب نثار او عبدالجبار څپاند لخوا، د ارواښاد رسول امين د خدمتونو څخه په قدر او درناوي يادونه وشوه.
ارواښاد رسول امين پوره دوه کاله مخکې د اکټوبر د مياشتې په يو دېرشمه نېټه په اسټراليا کې په حق ورسيد. نوموړی د خپل يو اويا کلنو ژوند په بهير کې، د افغانستان لپاره د هېواد دننه او بهر زيات شمېر داسې ګټور کارونه يې تر سره کړي، چې د مهاجرت په سختو شرايطو کې هم د خلکو سره د مرستې سرچينه ګرځيدلې وه.
