پوره لس کاله وړاندې د ۲۰۰۱ میلادی کال داکتوبر په اوومه نیټه ، امریکایي مغرورو استعمارګرویوځل بیا په ټولو بشري موازینو او مقرراتو پښه کیښوده ، دانسانیت خپلواکي اوځمکني استقلال ته داحترام اصل یې هيرکړاو په پوره بې رحمۍ یې دافغانستان په خپلواکه خاوره برید وکړ .
په افغانستان دامریکایي یرغل دادی لس کلونه پوره شول ، په تیرو لسوکلونو کې چې په دې هیواد کې څه پیښ شوي دي ، ډیر هغه حقائق یې جوت او ثابت کړي دي چې یوه لسیزه وړاندې دغربي مطبوعاتو دتبلیغاتو په پردو کې پټ ساتل شوي وه ، په تیرو لسوکلونو کې امریکایي یرغلګرو په دې هیواد کې په خپل جنایت کارانه او استثماري کردار سره ثابته کړه ، چې ددیموکراسي دلیږد ، همکارۍ ، سوله ساتنې او په اصطلاح له تروریزم سره دمبارزې تر شعار لاندې په خپلواکو هیوادونو کې امریکایي مداخلې ټولې یوازې داستثماري او اشغالګرانه اهدافو لپاره ترسره کیږي ، امریکایي اشغالګران چې ځانونه دنړیوالې سولې علمبردران بولي، تیرې لسیزې ثابت کړل چې دوی په حقیقت کې دانسانیت په وړاندې ترټولو ظالم ، بې رحمه او حیله ګر خلک دي ، چې دخپلو استعماري اهدافو لپاره له هیڅ ډول جنایت او جفا څخه دریغ نه کوي .
په تیرو لسوکلونو کې امریکایانو که له یوې خوا افغانستان له یوه مشروع اسلامي نظام څخه محروم کړی ، له بلې خوایې داولس څخه دسولې ، اطمینان او امنیت نعمت هم اخیستی دی ، اولس له جسمي ، روحي ، معنوي ، عقیدوي ، تعلیمي او اقتصادي اړخه سخت ځپل شوی او زیانمن شوی دی ، دافغان سرلوړی اولس په سر مغرضو یرغلګرو ټول هغه ټوپکیان ، مفسدین ، رشوت خواره او استخباراتي اجیران حاکم کړي دي ، چې له دې پخوا داولس له خوا رټل شوي او دهیواد پرېښودو ته اړ شوي وه .
څنګه چې په افغانستان له امریکایي یرغل سره هم مهال افغان اولس داسلامي امارت ترقیادت لاندې دیرغلګرو په وړاندې د جهاد فریضې ته امادګي وښوده او عملا ددښمن په مقابل کې مقاومت ته راوړاندې شو ، تیرلس کلونه دجهادي کارنامو ، دیرغلګرو ددتلفاتو او دالهي نصرت په برکت دمجاهدینو دلاسته راوړنو له اړخه هم ډیر امیدبښونکي او دعبرت وړ وه .
لله الحمد داسلامي امارت مجاهدینو په ډیرو ناچیزو وسلو او وسائلو مګر په لوړ عزم او توکل ددښمن په وړاندې جهادي مبارزه ژوندی وساتله ، جهادي عملیاتو ته یې په تدریج وده ورکړه ، ددښمن په مقابل کې یې بیلابیل تاکتیکونه وکارول او بې حسابه قربانۍ یې ورکړې ، چې په پایله کې یې دهمیشني اشغال په نیت راغلی دښمن دې ته مجبور کړ ، چې له دې خاورې څخه دوتلو او شاګرځ په اړه فکر وکړي .
اوس چې دامریکایي متکبرانه یرغل له پيل څخه لس کلونه تیریږي ، په حالاتو ، نظامي موازينو ، ستراتیژیو او عامه نظرونو کې اساسي تغیر راغلی ، او په نړیواله توګه اولسونه او حقیقت لیدونکي ص دنظرخاوندان په دې باور دي چې په افغانستان کې دامریکایي سرتیرو پاته کیدل ، ددوی لپاره له اضافي مصارفو ، ناکامي او شرمندګۍ پرته بله نتیجه نلري .
داچې دامریکایي یرغلګرو په وړاندې دافغان اولس په سرلوړي جهاد لس کلونه تیر شول ، افغان اولس ته ورپه زړه کوو چې دتیرو لسوکلونو غوندې الهي نصرت له موږ سره دی ، که موږ په حبل الله باندې منګولي محکمې وساتو ، له نفاق ،اختلاف ،عجب او نورومهلکو امراضو څخه ځانونه وژغورو ان شاءالله لرې نه ده چې په الهي نصرت سره مودښمن په یومخیزه توګه دافغانستان په پريښودلو مجبور شي .
وماذالک علی الله بعزیز
دافغانستان اسلامی امارت
۱۴۳۲/۱۱/۰۹ هــــق
2011/10/07 م
