سترګې درپسې دي لږ پر لارو پټوه مخ
تل په دې کوڅه کې له مکارو پټوه مخ
شي به ګلابونه د سپرلي موسم کې مړاوي
تل دې ميکده کې له مۍ خوارو پټوه مخ
ګوره د ښکلا قېمت د کم نه کړې په خپله
ځکه په دې ښار کې له بې شمارو پټوه مخ
چې کاڼي، کاڼې زړونه د مينو يې ټوټې کړل
نو پاتې به شي چېرې له هندارو پټوه مخ
کافر چې نه شو ګوره د شرابو رنګ به واخلي
له بنګو پټوه مخ ، له کوکنارو پټوه مخ
ما زيار ته راکوه مينه او تل دې زيار ته خانده
چې نه وي ستا د در، له دې اغيارو پټوه مخ
