د قذافي حکومت د مصراته په ښار کې
وسله والو مخالفينو ته وړانديز کړی، چې د سه شنبې تر ورځې دې خپله وسله په ځمکه
کيږدي او بيا کولی شي، له ښاره بهر ووځي.
له څو ورځې راهيسې د مصراته ښار د
قذافي ځواکونو لخوا ويشتل کيږي او دوه
مياشتې کيږي، چې دغه ښار کلا بند دی او خوراکي توکي نه ورته رسيږي. د قذافي
ځواکونو همدا راز هڅه درلوده، چې د دې ښار په ساحلي سيمه کې ماينونه ځای پر ځای
کړي خو د ناټو بيړيو لخوا يې مخنيوی شوی. له دې سره سره ځينې ځايونه کې ماينونه اېښودل شوي او ناټو اړه
ده، چې له وړو کيشتيو څخه کار واخلي.
