د 1870ز کال د اپريل په 22 مه نېټه، د شوروي اتحاد بنسټ اېښودنکی او اکټوبر انقلاب
مشر، وﻻديمير ايليچ اوليانوف لېنين زېږيدلی دی. د هند ټايمز په وينا، چې که څه هم
د پخواني شوروي اتحاد له منځه تګ څخه اوس شل کاله تير شوي، خو بيا هم ځينې خلک نوموړي ته د قدر په سترګه ګوري او نمانځنه يې کوي.
د روسيې د پلازمېنې ماسکو په مرکزي
برخه سره ميدان کې، د جمعې په ورځ ( د زيږدنې د کليزې په ورځ ) په سلګونو تنه
کمونيستان راغونډ شوي وو او د ده پر مړستون يې ګلان شيندل.
په منځنۍ اسيا کې بيا دا فضا بل ډول
وه او په دغه سيمه کې د نوموړي تر ټولو لويه مجسمه، چې 22.5 متره لوړوالی يې درلود ونړول شوه. دا مجسمه د تاجکستان د
خجند په سيمه کې، چې پخوا ورته لېنين اباد ويل کيده، نړول شوې ده.
د يادونې وړه ده، چې د پخواني شوروي
اتحاد حکومتونو هم د ده د مجسمو په جوړولو کې له افراطه کار اخيستلو او د سوغاتونو
په هره مغازه کې يې مجسمې پلورل کيدې. ځينې
افغان محصلينو بيا کله ناکله له دغو وړو
مجسمو نه د سوټک کار هم اخيست او د غوزانو ، بادامو د ماتولو تر څنګ به يې ميخونه
هم ورباندې ټکوهل.
