پرون په ترکيه کې د سعادت ګوند مرکزي کمېتې غونډه وکړه
او د خپل مرحوم مشر نجم الدين اربکان پر ځای يې د ګونديو بل با تجربه مشر پروفيسر
(مصطفی کاملاک ) د ګوند د نوي مشر په توګه وټاکه. په نورماله توګه بايد د ګوند مشر د کنګرې له خوا وټاکل شي ، خو څرنګه چې په
ترکيه کې عمومي ټاکنې رانږدې دي ، نو ګوند د کنګرې جوړول تر عمومي ټاکنو پورې
وځنډول. تر دې دمخه داسې اټکل کېده ، چې د اربکان زوی (فاتح اربکان) به د ګوند نوی
مشر وټاکل شي ، خو د ګوند مرستيال (اوغوز خان اصيل ترک) ويلي چې فاتح کافي تجربه
نه لري ، نو ځکه يې د اوس لپاره کاملاک د ګوند د مشر په توګه ټاکلی.
