ژوند لنډ دی، خو ډېر خلک یې د داسې فکرونو او اندېښنو قرباني کېږي چې نه یوازې بې ګټې دي، بلکې د خوشالۍ خنډ هم جوړېږي. که غواړئ یو ارام او بامفهومه ژوند ولرئ، نو دا اته شیان هېڅکله مه پرېږدئ چې ستاسو ذهن بوخت وساتي.
１. د خلکو نظر ته زیات اهمیت مه ورکوئ
خلک تل خبرې کوي. که تاسو هر څومره ښه یاست، بیا هم به یو څوک پیدا شي چې نیوکه درباندې وکړي. د دې پر ځای چې د خلکو خبرو ته غوږ ونیسئ، خپل هدف ته پام وکړئ. خپل ژوند د نورو د خوښې لپاره مه ضایع کوئ، ځکه چې هېڅکله به ټول خلک ستاسو نه راضي نه شي.
２. تېروتنې او ناکامۍ د ودریدو دلیل مه ګڼئ
هر څوک تېروتنې کوي، خو هوښیار خلک له تېروتنو زده کړه کوي، نه دا چې مایوسه شي. که تاسو په یوه کار کې ناکام شوئ، دا مانا نه لري چې نور نشئ بریالي کېدای. لویو بریاویو ته رسېدل تل د ناکامیو له لارې وي. پر ځای یې، خپلې تېروتنې وڅېړئ، اصلاح یې کړئ، او بېرته له نوي عزم سره مخ ته لاړ شئ.
３. د ماضي زخمونه مه ژورَوئ
ماضي تل نه بدلېدونکی حقیقت دی. که تاسو تل د تېر وخت غم کوئ، نو خپل راتلونکی هم خرابوئ. د هغو شیانو په اړه فکر مه کوئ چې بېرته نشي راتلای. د اوسني وخت څخه خوند واخلئ، ځکه چې ژوند یوازې همدا نن دی.
４. د "ناممکن" تصور مه کوئ
د نړۍ ټول لوی بدلونونه د هغو خلکو له خوا راغلي چې "ناممکن" یې ممکن کړي دي. هېڅ شی نه ناممکن دی، یوازینی شرط دا دی چې تاسو باید باور ولرئ او زحمت وباسئ. که چیرې یو هدف لرئ، نو پرېکړه وکړئ، کار پرې وکړئ، او ژر یا وروسته به خامخا خپل منزل ته ورسېږئ.
５. ځان له نورو سره مه پرتله کوئ
هر څوک خپل ځانګړی سفر لري. که خپل ژوند د نورو سره پرتله کوئ، نو تل به له ځان سره ناخوښ یاست. هر انسان خپل خاص مهارتونه، توانایي، او مسیر لري. د دې پر ځای چې د نورو بریاوو ته وګورئ، خپل شخصي پرمختګ ته تمرکز وکړئ.
６. بې ځایه اندېښنې مه کوئ
ډېری خلک د داسې شیانو په اړه فکر کوي چې نه یې کنټرول کولی شي او نه یې مخه نیولی شي. که تاسو د هر کوچني شي په اړه اندېښنه کوئ، نو خپل اوسنی وخت به هم خراب کړئ. د هغه څه په اړه تمرکز وکړئ چې کنټرول یې لرئ، او نور شیان الله ته وسپارئ.
７. حسد او کینه مه کوئ
حسد او کینه یوازې تاسو ته زیان رسوي. که څوک کامیابه دی، نو د هغه پر ځای خپل هدفونه وټاکئ او خپله هڅه وکړئ. حسد یوازې ستاسو انرژي ضایع کوي او تاسو د خپل پرمختګ مخه نیسي.
８. د هر چا خوشحاله کولو هڅه مه کوئ
دا ناممکنه ده چې تاسو به ټول خلک خوشحاله وساتئ. ځینې خلک به تل ناخوښه وي، که هر څومره ښه چلند ورسره وکړئ. مهمه دا ده چې خپل ژوند د نورو د خوښې لپاره مه قرباني کوئ، بلکې د خپلې خوښۍ لپاره ژوند وکړئ.
