زنک د انسانانو او نورو ژويو او بوټو او نورو کوچنیو ژونديو موجوداتو لپاره يو کم موندل کېدونکی اړين عنصر دی او له زېږېدو مخکې او وروسته ودې لپاره اړين بلل کېږي.
د زېنک کمښت په وروسته پاتې هېوادونو کې نېږدې دوه ميليارده کسان اغېزمن کړي او له ډېرو ناروغيو سره اړيکه لري. په کوچنيانو کې د زېنک کمښت په وده کې خنډ، په جنسي بلوغ کې ځنډ، د ناروغېدو حساسيت او د نس ناستي لامل ګرځي.
غوښه، ماهي، د سابو او ميو بېلا بېل ډولونه د زېنک غني سرچينې دي. هغه ماشومان چې له خوارځواکۍ سره مخ وي، نو ډاکټران ورته د درملو له لارې د زېنک سپلېمېنټ ليکلي.
