د میوې رانیول، پریمنځل، برابرول او بیا خوړل یو سادہ بھیر دی خو چې یو کس ځان پرې وپوھوي.
میوہ له لبه د وجود سالمیت، پروریش، ودې او د تودوخي (انرژي) ساتني لپاره خوراکي توکي دي، مګر د خوړلو وخت پیژندل يې خورا اړین دی ترڅو ګټه ډېرہ او زیان يې ھیڅ وي.
میوه خوړل له بدنه زھرجن شیان باسي، د وزن په بایللو، د ھاضمي په چستي، د وینې فشار راټیټولو، د زړه رنځ کمولو او د مادې په بدلون (میټابولیزم) کې مرسته کوي.
د میوې د خوړلو ډېرې کیسې (افسانې) شته چې کوم مھال وخوړل شي، ځیني خلک خو چې پر ور برابرشي ورته کیني، نو بسم الله....
۱) میوہ خوړل سھار په خالي نس خورا ګټور تمامیږي.
۲) د غرمي د ډوډۍ او بیګاه (شپې) د ډوډۍ منځ مھال ټاکل ښه وخت دی (یعني ماسپيښین قضا، مازدیګر لوړ).
۳) مخته او یا وروسته تر جسماني ستړیا/ تر ورزش وروسته يې خوړل ډېرہ ګټه لري.
د میوې په ھضمیدلو تر نور خوراک ډېر وخت لګیږي، په پورته درې واړہ حالاتو کې معدہ خالي وي او د انزایم (کیمیاوي بدلون مادہ) سره مرسته وکړي، ترڅو د میوې ټول خوراکي (غذايي) توکي په وینه کې جذب او د بدن ھر راز حجرات غښتلي وساتي، ترڅنګ يې میوہ خوړل په تش نس د ویني شکر ھم نه لوړوي.
