د افغانستان پخواني حدود او ولایتونه چي د کورنۍ جګړو او بهرنيو لاسوهنو له امله د پردو لاسته لوېدلي دي او اوس زموږ د هېواد برخه نه ده.
۱- د اټک کلا چي د سند رود پر غاړه پرته ده په ۱۸۱۲ز کال کي د پنجاب سکهانو تر پرېښوول شوه.
۲ - ملتان ولایت په ۱۸۱۸ عیسوي کال کي د پنجاب سکهانو ته په لاس ورغی.
۳- د محمدزو په دوره کې يانې په ۱۸۱۹ زکال کې کشمیر ولایت د پنجاب سکهانو ته په لاس ورغی.
۴- په ۱۸۲۱ز کال کي دېره غازي خان د پنجاب سکهانو ته په لاس ورکړل شوه.
۵- دېره اسماعيل خان په ۱۸۲۱ز کال کي د پنجاب سکهانو ته په خاوره او د افغانستان له لاسه ووته.
۶- پېښور په ۱۸۲۳ زکال کي د افغانستان له کنټروله ووت او سکهانو ته په لاس ورغئ.
۷-سند ولایت په ۱۸۴۳ز کال د انګلیسانو لاس ته ولوېد.
۸- بلوچستان ولایت د ۱۸۵۴ تر۱۸۷۶ کالونو ترمنځ انګرېزانو د لوی افغانستان له خاورې بېل کړل.
۹-مروه ولایت په اوسني ترکمنستان کې حسابيږي؛ دغه افغان خاوره د روسانو له خوا ۱۸۸۴ز کال کې له افغانستان جدا کړی شو.
۱۰- شال ،پښین ،کوږک،کورمه او لنډي کوتل په ۱۸۷۸ز کال کي د ګندمک د تړون په اساس انګلیسانو ته ورکړل شول.
۱۱- سوات، باجوړ، چترال، وزیري، ارنوي، داور، چاګي او چمن په ۱۸۹۳ز کال کې د ډیورنډ د تړون پر اساس د سلو کلونو دپاره انګلېس ته وسپارل شول.
۱۲- پنجده سیمه چې په اوسني ترکمنستان کې پرته ده روسانو په ۱۸۸۵ز کال کښي د افغانستان څخه لاندې کړه.
۱۳-د سیستان ولایت ډېره برخه په ۱۸۷۲ز کال کې د انګلیسي پلاوي له خوا ایران ته ورکړل شوه.
