خليلي: سږ کال د عبدالعلي مزاري د مړينې په تلين غونډه کې ګډون نه کوم 



روهي (دوه نۍ/۱۱ د کب)، د ولسمشر پخواني لومړي مرستيال او د افغانستان د اسلامي وحدت ګوند مشر محمد کريم خليلي وايي چې سږ کال به د عبدالعلي مزاري د مړينې په ياد غونډه کې ګدون ونه کړي. 

محمد کريم خليلي ويلي دي چې تېر کال د عبدالعلي مزاري د مړينې پر ياد غونډې بريد وشو او خونړۍ پېښه رامنځ ته شوه؛ هغه پېښه د هېردو وړ نه ده سږ کال کابل کې د مزاري په ياد غونډه کې برخه نه اخلي. 

نوموړي ويلي دي چې په کابل کې برخه نه اخېستل يې په دې پار دي چې امنيتي مسوولين د تېر کال پېښې ته متوجې کړي او زياته کړې يې ده چې په يو شمېر بهر هېوادونو او د هېواد په ولايتونو کې به د عبدالعلي مزاري ياد غونډه ولمانځي. 

د کب د مياشتې په ۱۴مه نېټه د لويې جرګې په خيمه کې د ولسمشر د دويم مرستيال محمد سرور دانش او د ولسمشر  سياسي او امنيتي سلاکار محمد محقق له لوري د عبدالعلي مزاري د مړينې ياد غونډه جوړيږي. 

د يادونې ده چې تېر کال د مزاري په تلين غونډه کې هغه مهال بريد وشو چې نوموړي وينا کوله او له بريد وروسته يې خبرې په نيمايي کې پاتې او له ناستې ووت. 


تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ