.jpg)
روهي ( دوه نۍ/ ۱۰ د لیندۍ)، د افغانستان ولسي جرګې نن دوو شنبه د کابینې له ۹ نوماندو وزیرانو ۷ ته د باور رایه ورکړه.
ولسي جرګې د افغانستان د ملي امنیت عمومي ریاست ته نوماند احمد ضیا سراج ته ۲۲۰، د کانونو او پترولیم وزارت نوماند وزیر هارون چخانسوري ته ۱۵۴، د کرنې، اوبو لګولو او مالدارۍ وزارت نوماند وزیر انور الحق احدي ته ۱۸۹، د کډوالو او رستنېدونکو چارو وزارت نوماند وزیر نورالرحمن اخلاقي ته ۱۷۶، د ترانسپورټ وزارت نوماند وزیر قدرت الله ذکي ته ۱۶۵، د ښار جوړولو او ځمکو وزیر محمود کرزي ته ۱۵۴، او د ټولګټو چارو وزارت نوماند وزیر نجیب الله یمین ته د ۱۴۹ باور رایو په ورکولو سره د یادو وزارتونو لپاره تایید او رسما د افغانستان کابینې غړي وټاکل.
د اطلاعاتو او کلتور وزارت نوماند محمد طاهر زهیر او د ښځو چارو نوماندې وزیرې حسینه صافۍ نن د یادو نوماند وزیرانو له ډلې ونه توانیدل چې له ولسي جرګې د باور رایه ترلاسه کړي او ددې جرګې لخوا رد شول.
د یادونې وړ ده چې نږدې دوه اونۍ وړاندې د افغانستان ولسي د کابینې لسو وزیرانو ته د بارو رایه ورکړه چې د ملي امنیت د عمومي رئیس په ګډون له ولسي جرګې ۱۷ نوماندانو د باور رایه ترلاسه کړې.
