پر کابل پوهنتون ننني خونړي بريد ته د افغان چارواکو غبرګونونه 

روهي (دوه نۍ/۱۲ د لړم)، نن له غرمې وړاندې پر کابل پوهتنون بریدګر دننه شول چې يو شمېر محصلينو ته يې مرګ - ژوبله اړولې ده. د وروستيو شمېرو پر بنسټ ننني بريد کې ۱۹ کسانو ژوند له لاس ورکړی او ۲۲ ټپيان شوي دي، چې ډېره برخه کې يې د کابل پوهنتون محصلين او محصلانې دي. 

ولسمشر ماڼۍ د دغه بريد د غندلو ترڅنګ، سبا په ټول هېواد کې ملي ماټم اعلان کړی دی. د ارګ په خبرپاڼه کې ويل شوي دي، "د افغانستان اسلامي جمهوري دولت ویرجنو کورنیو سره د غمشریکۍ او د دغې تروریستي پېښې قربانیانو ته د درناوي په موخه سبا سه شنبه د لړم ۱۳مه ملي ماتم اعلانوي او په ټول هېواد او له هیواده بهر ټولو سیاسي نمایندګیو کې به د افغانستان بیرغ نیمه ځوړند شي."

د مصالحې عالي شورا مشر ډاکټر عبدالله عبدالله د بريد د غندنې ترڅنګ نننۍ پېښه يو بشري ضد عمل او جنګي جنايت بللی دی. نوموړي له افغان ځواکونو مننه کړې ده چې په چټکۍ يې عمل کړل، د کابل پوهنتون ډېری استادان او محصلين يې ژغورلي دي. 

د ولسمشر لومړي مرستيال امرالله صالح بيا دغه کار د هغه کسانو کار بللی دی چې د طالبانو په ډول فکر لري. نوموړي پر خپلې فېسبوک پاڼې لېکلي دي، "پر کابل پوهنتون ننني بريد زمونږ يوه ناکامي او انساني وير دی. دغه بريد د طالبانو او د طالبانو ورته وجدان ښيي."

پخواني ولسمشر حامد کرزي هم نننۍ پېښه پر سختو کلمو غندلې ده او دا يې د افغانستان د سولې او ارامۍ د دښمنانو کار بللی دی. پخواني ولسمشر د جګړې له ښکېلو افغاني غاړو د سولې او خبرو له لارې د جګړې د پای ته رسېدو غوښتنه کړې ده. 

د اسلامي جمعيت ګوند اجرائيوي رئيس  عطا محمد نور پېښه غندلې ده او د سولې خبرو ته د هيلو هم مهاله يې دغه ډول بريدونه انساني جنايتونه بللي دي. 

احمد ضيا مسعود بيا دغه حمله د طالبانو کار بللی دی او لېکلي دي چې د يو بې وړتيا او بې کفايته حکومت له امله دغه ډول بريدونه تر سره کيږي. 

بيا له بلې خوا طالبانو د کابل ننني بريد کې خپل لاس لرل رد کړي دي او داعش ته په اشارې يې ويلي دي چې دغه بريدونه د هغه چا کار دی چې څه وخت وړاندې يې جوزجان او ننګرهار کې ماته وخوړه او حکومت ورته پناه ورکړه، 



تبصرې

تبصرې نشته

خپله تبصره مو ولیکئ

تاسو دغه لیکنه شریکولی شئ!

د لیکوال نورې لیکنې
news
علمي او معلوماتي

ځمکه له فضا څنګه ښکاري؟ 

Loading...