ولسمشر غني: کابل پوليسو کې دې ژور تغيرات رامنځ ته او د امنیت په تامین کې دې له ټکنالوژۍ استفاده وشي 



روهي (پنځه نۍ/۲۴ د تلې)، د ولسمشر  محمداشرف غني په مشرۍ د کابل د امنیت د ټینګښت لپاره د غوره تدابیرو نیولو او امنیتي میثاق د تطبیق په موخه، امنیتي غونډه نن مازدیګر په ارګ کې جوړه شوه. 

ولسمشر غني امنيتي ځواکونو ته په لارښونه کې ويلي دي چې د کابل د امنیت په اړه دې لا زیاتې هڅې وشي او د جرایمو پر وړاندې دې جدي او عاجل اقدام وشي. ولسمشر ويلي چې د جرایمو پر وړاندې دې جدي او عاجل اقدام وشي. 

ولسمشر محمد اشرف غني ويلي امنيتي چارواکو ته په لارښوونه کې ويلي دي چې  د خلکو رواني امنیت خوندي او د کابل د امنیت په تامین کې دې له ټکنالوژۍ استفاده وشي، امنیتي میثاق دې په درست ډول عملي او دندې دې تفکیک شي، همداراز دې د کابل په پولیسو کې اساسي تغییرات راشي چې د جرمونو له بېلابېلو ابعادو سره مبارزه وشي.

دغه ناسته کې د ملي امنيت شورا سلاکار حمد الله محب ويلي، چې د امنیتي میثاق په چوکاټ کې د خلکو په همکارۍ په بېلابېلو جرمونو تورن ۱۷۳ کسان پولیسو ته معرفي شوي، ۶۹ تړونونه تازه لاسلیک شوي او په بېلابېلو برخو کې ۳۰۰ امنیتي کمرې نوې نصب شوي دي.
 

تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ