روهي (دوه نۍ/۱۰ د وږي)، د هندوستان پخوانی ولسمشر پراناب موکرجي نن ورځ د ۸۴ کالونو په عمر ومړ. نوموړی څه وخت وړاندې په کرونا ويروس ککړ شوی وو.
افغان ولسمشر محمد اشرف غني د نوموړي پر مړينې خواشيني ښوودلې ده. ولسمشر ماڼۍ په يوې خبرپاڼې کې لېکلي دي، "په ډېرې خواشینۍ سره خبر شوم چې د هند مخکېنی جمهوررئیس او د دغه هیواد مشهور سیاستوال پراناب موکرجي وفات شوی دی.
پراناب موکرجي د افغانستان له ښو دوستانو څخه و چې د خپل زعامت پر مهال یې زموږ د هیواد په اړه ښه نیت درلود. د دواړو هیوادونو د اړیکو پراختیا او له افغانستان سره مرستې او همکارۍ ته یې ځانګړې پاملرنه لرله.
نوموړي د هند جمهوریت او د دغه هیواد د خلکو د هوساینې او ارامۍ لپاره ښه خدمتونه وکړل او باور ي یم چې د نوموړي کړنې او لاسته راوړنې به تل د هند د لوی ملت په یاد وي."
