د محرم مياشت ستر فضيلت لري، تر دې چې ځينې سلفو د حرمت لرونکو مياشتو له جملې غوره مياشت حساب کړي ده.
حافظ ابن رجب ـ رحمه الله ـ وايي:" يقينا پدې کې د علماوو اختلاف دي چې د حرمت لرونکو مياشتو څخه کومه يوه غوره ده؟!
حسن بصري او نورو ويلي دي: غوره يې د محرم مياشت ده، يوې ډلې متأخرينو علماوو هم دا راجح کړى ده، وهب بن جرير د قرة بن خالد نه او هغه د حسن بصري نه روايت کړي ويلي يې دي: يقينا الله تعالى د محرم په مياشت کال پيل کړي او ختم کړي دي، په کال کې د رمضان له مياشتې وروسته د الله تعالى په وړاندې غوره مياشت د محرم ده، او د ﺯيات حرمت له امله به د الله تعالى کڼه مياشت نوميدله.
نسائي د أبي ذر رضي الله عنه حديث نقل کړى هغه فرمايي: ما د نبي صلى الله عليه وسلم نه وپوښتل: د شپې په کومه برخه کې خير دى او کومه مياشت غوره ده ؟ هغه وفرمايل: «خير الليلِ جوفُهُ، وأفضلُ الأشهرِ شهرُ الله الذي تدعونهُ المحرَّم».
د شپې خير په مينځ کې دى او غوره مياشت د الله تعالى مياشت ده چې تاسې ورته محرم وايي.
پدې حديث کې د نبي صلى الله عليه وسلم له لورې په مطلق ډول د غوره مياشت يادونه د رمضان نه په وروسته مياشتو حمل ده.
