روهي (جمعه/۶ د چنګاښ)، پاکستان کې افغان سفير عاطف مشعل د پاکستان د پوځ مشر جنرال قمر جاوید باجوه سره تېره ورځ لېدنه کړې.
عاطف مشعل پر خپلې توېټر پاڼې لېکلي دي چې له جنرال باجوه سره يې، د افغان سولې بهیر، د دواړو هیوادونو ترمنځ همکارۍ د راتلونکې ناستې، دوه اړخیزو اړیکو او موجوده سیمه ییز وضعیت په اړه یې خبرې کړي دي.
د پاکستان د پوځ په خبرپاڼه کې ويل شوي دي چې افغان سفير عاظف مشر له جنرال باجوه سره د افغانستان او پاکستان په دوه اړخيزو اړيکو او سيمه کې د امنيتي وضعيت په اړه غږیدلی.
د پاکستان د پوځ مشر جنرال قمر جاوید باجوه څه وخت وړاندې کابل ته په رسمي سفر راغلی وو چې له افغان ولسمشر محمد اشرف غني او د مصالحې عالي شورا مشر ډاکټر عبدالله عبدالله سره يې ولېدل.
