مارشالي



لواطت په جایزه کې چې مارشال شي
خدای دې مل د هغه ملک په داسې حال شي

چې د خپل کلي او قام عزت برباد کړي
داسې کس به د هېواد څه عزتپال شي؟ 

د تعلیم او د تربيي تپوس یي مه کړه
پادوان د خرو اسونو چې جنرال شی

بل هنر او بل کمال په غم کې نه وي
ټولوژنه، جنایت يی چې کمال شي

د هغو خلکو په ناسته پاڅه مه ځه
ګلم جم يي چې ښایست، ښکلا جمال شي

ډار او وېره له هغې ورځ پکار ده
چې واکمن په برخلیک مو خردجال شي

که د پېښو بد بهیر مخه ډب نه شي
ښای دې ځینې بدتر مو هم احوال شي

زموږ ملک کې یو نادود بنسټ بنا شو
هومره غټ شي چې هرڅومره پردیپال شي

هغه څوک چې پردیپال، د بل ځری شي
په دې ملک کې یا جنرال او یا پاسوال شي

که مو هر څه د ځنګل قانون په نرخ شي
ټول حقوق زموږ د واړو به پیمال شي

که فرصت د تجدد له لاسه ووځي
 ارزوګانې امیدونه به زاوال شي

د هغې لارې په لټه، هڅه غورځو
څو ویجاړ وطن د نورو ملکو سیال شي

شعروزمه خیالونه  
 

تاسو دغه لیکنه شریکولی شئ!

د لیکوال نورې لیکنې
news
شعرونه

رنګینه دنیا

Loading...

تبصرې

تبصرې نشته

خپله تبصره مو ولیکئ