روهي (جمعه/۱۳ د مرغومي)، نن جمعه د امريکا متحدو ايالتو په هوايي بريد کې د ايران د سپاه پاسدران ډلې د قدس څانګې مشر قاسم سلیماني ووژلو.
د ايران حکومت هم د نوموړي د ميړنې پخلی کړی دی او ويلي دي چې بغداد کې د امريیکا يرغلګرو ځواکونو د قاسم سلیماني د موټرونو کاروان په نښه کړی او دی يې په کې وژلی دی.
دغه بريد کې د سلمياني په شمول د عراق د حشد العبي ډلې يو شمېر قومندان هم وژل شوي دي. ايران خبرداری ګواښ کړی دی چې له امريکا به بدل واخلي.
د دغه بريد په اړه د امريکا متحدو ايالتو دفاع وزارت په يوې خبرپاڼې کې ويلي دي چې د دغه بريد امر په خپله ولسمشر دونالد ټرمپ ورکړی وو.
قاسم سلیماني ۵۹ کاله عمر درلود چې د عراق، سوريې او فسلطين په شمول د منځني ختيځ په يو شمېر هېوادونو کې يې د ايران د سياست په پلي کېدو کې اغېز لرونکی کس وو.
