هو بالکل ژوند مونږ ته هغه څه نه راکوي،کوم چې مونږ غواړو ولرو،ژوند مونږ ته هغه څه راکوي کوم چې مونږ یې د درلودلو لپاره تل کوښښ کوو.ژوند کې د بېرته راتلو په نوم کومه تڼۍ نه شته نو باید چې د هرې شېبې تېرېدو ته مو پام وکړو او یوه شېبه مو هم پرته له موخې او هدفه تېره نه کړو. د هر څه د مخه د لوړ هدف لپاره لوړ ګامونه اخیستل او لوړ فکرونه کول د بریا لار هواروي.نو د دې لپاره موباید په لومړي سر کې خپل ذهن وروزو.یعنې ستاسو په لاس کې ده چې ذهن ته مو ښه عادتونه ورزده کړئ او که بد یې وروزئ. د خپل ذهن روزل او عادتول هماغسې ده لکه یو څوک چې د پیانو غږول زده کوي او یا د شطرنج په لوبه ځان پوهوي.او دا هم مه هېروئ چې هر څه د ستوګو په رپ کې نه کیږي نو صابره اوسئ ځکه د صبر مېوه خوږه وي او همداسې ځینې کارونه وخت نیسي .مونږ خامه مېوه نه خورو او ورته په تمه کېږو چې پخه شي او ترې خوند واخلو او همدا د ژوند مانا ده چې په حقیقت کې هر څوک پرې نه شي پوهېدی نو ژوند ته باید په سرسري او عادي نظر ونه کتل شي. لیکنه:مریم صدیقي
