ډاکټر عبدالله عبدالله چې په تېرو ۲۰۱۴ کال ولسمشریزو ټاکنو کې هم ناکام و، خو بیا هم د له خپلې سر زورۍ څخه کار واخيسته او ځان یې په یو نه یو ډول له ولسمشر محمد اشرف غني سره په حکومت کې شریک کړ. خو په هغه وخت کې مو په هیواد کې هم ګڼې ستونزې وې بهرنیانو پکې لاسوهنه کوله، دښمن به مو سل رقم ورانکاريانې تر سره کولې زمونږه هیواد وال به یې بې ګناه راشهیدانول او د افغانستان له خاروې به یې غلطه ګټه پورته کوله چې په هغه وخت کې نورې نړۍ افغانستان یوازې د جنګ په میدان باندې پېژانده.
په هغه وخت کې هم ښاغلي غني د هیواد وضعیت او شرایطو ته په کتو او د ملي وحدت د لا ټینګښت په خاطر دا د زهرو غوړپ وکړ او عبدالله عبدالله یې په خپل حکومت کې د اجرائیه رئیس په توګه ومانه، مګر کرار کرار عبدالله د ولسمشر او په لویه کې د دولت لپاره په یو سرخوږي بدل شو، ځکه د اصلاحاتو بهیر او نورې ملي پروسې یې ډب کړې، بې ځایه مخالفتونه یې پیل کړل او په دې ډول یې د دولت وقار ته صدمه ورسوله او د نوموړي د مخالفتونو له امله د ډېرو اساسي کارونو او پروژو مخه ونیول شوه.
خو په تېرو ټاکنو کې چې کومې لانجې وشوې ټول د حامد کرزي د لاسه ، ځکه چې هغه وخت کرزی د هیواد ولسمشر وه او تر بل چاه ده ښه کولی شو چې هغه نوماند کامیابه اعلان کړي د کوم چې رايې زیاتې وې. خو د قصدا داسې کول هغه وخت ده غوښتل چې د ښاغلي غني او عبدالله عبدالله تر منځ لانجه جوړه شي او ولس ووايي چې مونږه یو ځل بیا هم حامد کرزی د هیواد ولسمشر غواړو. که چېرته ده د دواړو نوماندانو تر منځ روغه جوړه کړې وای او حق یې حقدار ته سپارلی وای نو نه جانکیري ته ضرورت و چې د افغانستان په شخصي کارونو کې مداخله کوله او نه به هم نړۍ والو د خندا کېدلو.
خو په دا ځل ټاکنو کې یو ځل بیا عبدالله عبدالله خپل ځان ولسمشر حسابوي چې تر اوسه د ولسمشريزو ټاکنو لومړنۍ پایلې هم ندې اعلان شوي. دی یو ځل بیا غواړي چې ګډوډي رامنځته کړي. عبدالله عبدالله په دې ښه پوهېږي چې ناکام خو یم راځه یو ځل بیا د تېر په څېر اوازه خپره کړه او ځان بیا هم په حکومت کې شریک کړه. د عبدالله بې صبري او وارخطایي دا ګواهي ورکوي چې نوموړی په پخه تیږه ناکام دی او فکر کوي چې د تېر ځل به بیا په جنجالونو او مخالفتونو په ګتلي واک کې شریک شي، مګرعبدالله عبدالله دا ځل غلط پوه شوی دا ځل به یو ولسمشر وي کوم شریک به ورسره نه وي او هغه څوک به ولسمشر کېږي چاچې رایې زیاتې وي.
ټول ولس په دې پوهېږي چې یو ځل بیا ښاغلی غنی د هیواد ولسمشر کېږي ځکه چې په ټول هیواد کې ښاغلي غني ته زیاته رایې ورکړل شوه او ولس هم همدا غوښتل چې غني زیاته رايه واخلي او پرته له کوم جنجال څخه بریالی شي.
