روهي( دوه نۍ/۱۵ د تلې )، د پاکستان لومړی وزیر ( عمران خان ) به نن دوشنبه چین ته ولاړ شي. د لومړي وزیر سره به یو پلاوی هم وي.
لومړی وزیر به نن د پنځه ورځني سفر لپاره له اسلام آباد څخه بېجنګ ته لاړ شي. د سفر په جریان کې ، لومړی وزیر به د چین له مشرتابه سره په سیمه ییزو او دوه اړخیزو مسلو خبرې وکړي.
د دغه سفر په جریان کې به لومړی وزیر عمران خان د چین له ولسمشر او لومړي وزیر سره جلا جلا غونډې وکړي. عمران خان به د چین د مشرتابه څخه د کشمیر مسلې لپاره د دوي د ملاتړ له امله مننه وکړي.
لومړی وزیر عمران خان به د کرنې ، صنعت او ټولنیز - اقتصادي برخو کې د همکارۍ سربیره د سی پیک پروژې پراخولو پر مسلو هم خبرې وکړي. هغه به په بیجینګ کې د چین پاکستان سوداګرۍ ګډې خونې ته وینا هم وکړي.
لومړی وزیر به د لیدنې پرمهال له چینايي پانګوالو او د بیلابیلو شرکتونو له مشرانو سره هم وګوري. دواړه خواوې به د چین - پاکستان د ازاد تجارت تړون دوهم پړاو د سمدستي پلي کیدو په اړه هم خبرې وکړي. د بهرنیو چارو وزیر شاه محمود قریشي ، د ریلوې وزیر شیخ رشید ، د پلان جوړونې وزیر خسرو بختیار او د مالیې وزیر سلاکار عبدالحفیظ شیخ به د پلاوي برخه وي.
