روهي( پنځه نۍ/۲۱ د وږي )، ظاهرا پاکستان په جنیوا کې د ملګرو ملتونو د بشري حقونو په شورا کې د جمو او کشمیر په اړه د هند د کنټرولولو په هڅه کې یو مهم ټکی هیر کړی - هغه ظلمونه چې د هغې پوځ له خوا بلوچستان کې ترسره شوي.
د بلوڅو د بشري حقونو شورا او پښتنو د ملګرو ملتونو له غونډې بهر بینرونه ایښي ترڅو د "پاکستاني زور زیاتي پر وړاندې د نړۍ پام ځانته را واړوي.
د پاکستان د بلوڅ غورځنګ تنظیم کوونکی ، رزاق بلوڅ وویل: "پاکستان یو تمدن هیواد نه دی او د کشمریانو لپاره د بشري حقونو په اړه په خبرو کولو باید شرم وکړي. په ځانګړي توګه کله چې دوی په بلوچستان ، سند او پاکستان کنترول لاندې کشمیر کې د ډول ډول ظلمونو سره لاس او ګریوان دي."
بلوڅ فعالانو په جنیوا کې د ملګرو ملتونو د دفتر مخې ته خیمه وهلې او د پاکستان پر ضد یې شعارونه ورکول.
بلوچ وویل سیمه د پاکستان د پوځ تر واک لاندې ده او د خپلواکۍ څخه لږ څه د بلوچستان خلکو ته د منلو وړ ندي.
د متحده ایالاتو میشته بلوڅ ملي غورځنګ څخه نبي بخش بلوڅ هم د بلوڅ مسلې په حلولو کې پر پاکستان د خپل نفاق په خاطر انتقاد وکړ. "تر هغه چې پاکستان زموږ په خاوره کې پښه ولري ، بلوچستان به هیڅکله هم امن ونلري. د شاه محمود قریشي (د پاکستان د بهرنیو چارو وزیر) به هیڅکله څرګنده نه کړي چې د پاکستان لخوا په بلوچستان کې کوم ظلمونه شوي دي. له همدې امله موږ دلته یو." د (ANI)خبري اژانس په وینا ، نبي بخش بلوڅ وویل ، که څوک زموږ غږ واوري او څوک به زموږ غږ واوري.
د بلوچستان خلک ادعا کوي چې دا د پاکستان له جوړیدو دمخه هم یو ملت و او موجود و.
د سه شنبې په ورځ په جنیوا کې ( UNHRC ) ، هندوستان وویل چې پاکستان د کشمير په اړه د خبرو کولو لپاره هیڅ ځای نلري او د هغې "دروغ ویلو سره د زړه بوږنوونکې څرګندونې" د "دې غونډې سیاسي کول" دي.
هند هم په خپل وار په جمو او کشمیر کې د بشري حقونو سرغړونې او احتمالي "نسل وژنې" د پاکستان د بهرنیو چارو د وزیر ادعاګانې رد کړې.
ژباړونکی: محمد مبین هڅاند
