روهي( یوه نۍ/۲۹ د غوایي )، د چين په بېجنګ ښارکې خلکو د امریکا شکست لپاره نوې تګلاره خپله کړې د دغې تګلارې له مخې خلک د تشناب میڼځلو لپاره هغه برشونه استعمالوي چې د ټرمپ د څېرې په شکل جوړ دي د همدېترڅنګ دوي هغه تشناب کاغذ استعمالوي چې د ټرمپ څېره په کې رسمه شوې ده.
بېجنګ ښار کې اوس دا برشونه ډېر په زیاته اندازه پلورل کېږي او خلک وایي چې غواړي په همدې تګلاره سره امریکا ته ماتې ورکړي.
د دغو برشونو نرخ (۲۰ یوانه) ټاکل شوی دی چې خلک یې په زیاته پیمانه په انلاین ډول رانیسي او په خواله رسنیو کې یې خپروي.
دا وخت په چین کې دا برشونه په رنګارنګ ډولونو سره جوړېږي چې خلک یې ډېر په خوښۍ سره اخلي.
بله خوا یوې بلې چینایي کمپنۍ یو داسې تشناب کاغذ بازار ته وړاندې کړی دی چې د ټرمپ څېره ورباندې ده او (۳ یوانه) نرخ لري.
