روهي( پنځه نۍ/۲۳ د کب)، د الجزایر هېواد ولسمشر عبدالعزیز بوتفلیقه شپږ کاله مخکې دماغي سکتې سره مخامخ شوی و او وروستی ځل یې خپلو هېوادوالو ته ۲۰۱۴ کال کې وینا وکړه.
د الجزایر ډېرو اوسېدونکو لپاره سخته ده چې پوه شي، څنګه د دوی ۸۲ کلن ولسمشر چې په سختۍ سره خبرې او تګ کولای شي، د هېواد چارې چلوي.
ډېرو سره داسې اندېښنه هم شته چې که له ۱۹۹۹ راهیسې د واک پر ګدۍ د ناست ولسمشر بوتفلیقه ځای ناستی و نه موندل شي، ښايي نوموړی کاري دفتر کې ساه ورکړي.
ولسمشر بوتفلیقه وروستی ځل ۲۰۱۴ کال کې د ټلویزیون پر پرده راڅرګند شو او په ټاکنو کې یې پر ده د باور کولو له کبله خلکو مننه وکړه.
