روهي (څلورنۍ/۸ د کب)، د پاکستان بهرنيو چارو وزير شاه محمود قريشي د هندوستان له خوا پر پاکستان د هوايي بريدونو په اړه د امريکا متحدو ايالتو بهرنيو چارو وزير مايک پمپيو ته ټیلفون کړی دی.
قريشي ويلي چې د هندوستان او پاکستان ترمنځ کړکېچ به لامل شي د افغانستان د سولې خبرې او وضعيت بې کراره کړي.
نوموړي امريکا ته د روان وضعيت په اړه خپلې اندېښنې څرګندې کړې دي او ويلي دي چې ستونزه دې حل شي.
قریشي مايک پمپيو ته دا هم ويلي دي چې د هندوستان د بريد په اړه د پاکستاني ولس احساسات راپورته شوي دي او سخت غبرګونونه يې ښوودلي دي.
