روهي (پنځه نۍ/۶ د مرغومي)، د امريکا متحدو ايالتو ولسمشر ډونالډ ټرمپ په ناڅاپي سفر عراق ته تللی دی او هلته يې له خپلو پوځيانو سره کتلي دي.
د ټرمپ دغه ناڅاپي سفر غبرګونونه راپورته کړي دي او عراقي سياستوالو د نوموړي نه پلان شوی سفر پر خپل ملي حاکميت تيری بللی دی.
د عراق لومړي وزير عدیل عبدل مهدي د ولسمشر ټرمپ سره له لېدنې انکار کړی دی او خبرې يې نه دې سره شوي.
رسنيو ويلي چې د لومړي وزير عدیل عبدل مهدي او ولسمشر ټرمپ ترمنځ د ملاقات د ځای په اړه اختلاف وو او عدیل عبدل مهدي ورسره لېدنه لغوه اعلان کړه.
د عراق پارلمان هم بيړنۍ ناسته رابللې ده او د ولسمشر د دغه سفر په اړه به په کې بحث وشي، چې په خپلسر يې دغه هېواد ته کړی دی.
