دا چې ورځ تر بلې سوشل مېډیا یا ټولنیزې رسنۍ په نړۍ کې زموږ د ژوند هغه ضروري برخه نیولې چې وګړي یي د خبرونو او نورو ګټورو معلوماتو په تر لاسه کولو او یو له بل سره په لیږد او رالیږد د شریکولو په موخه کاروي.
نو د نړئ د پرمختګ سره سم، د نورو ټولنیزو رسنیو سربیره فېس بوک هغه چټکه او تیزه رسنۍ ده ، چې هر فرد خپل پیغام تر نورو زر او چټک رسولای شي.
په ګرده نړۍ کې فېس بوک او ټویټر میلیونونه خلک کاروي.
داسې هم ویل کیږي ، خواله رسنئ داسې یوه سیمه ده چې هر څوک په خپل زړه او په خپله خوښه هر څه یعنې د دود او کلتور، د ژبې څرنګوالی او د هیواد د هر رنګه خبر څرګندونې کولای شي.
نو په همدغه ترتیب د فېس بوک استعمال د هرې ټولنې د فکر او کلتور استازي توب کوي.
د فېس بوک کارونه نسبت ټولنې ته توپیر لري ، نو په همدې ترتیب موږ بعضې وخت په یوه مثبته پېښه کې د فېس بوک کارول په سمه توګه نه کوو او یا د افراط نه پکې کار اخلو.
زموږ په ټولنه کې د فېس بوک کارول دومره زیات شوي دي چې د باسواده او لوستو وګړو تر څنګه یې نالوستي هم استعمالوي.
خو د ټولنیزو رسنیو ټول کاروونکي یو څیز باید په پام کې ولري چې هره خبره کوي اختیار یې خپل دی، خو ډیر کله بیا د خپلې خبرې سپیناوي ته هم اړ کېږي.
ځکه که پر سوشل ميډیا د چا سپکاوی وکړئ، او ادعا مو ناسمه وي، نو قانوناً تاسې یو جرم کړی، او د خپل جرم د سزا مسول به تاسې خپله یاست.
که چېر ته فېس بوک په یوه ټولنه کې په ښه توګه استعمال شي نو د ټولنې وګړې د بحران د حالته ژغوري.
په اخر کې د ټولنې وګړو نه هیله همدا ده چې دغه خواله رسنیو نه په ډېر دقت او احتیاط کار واخلي، تر څو نه د ځان د ښکار سبب شي او نه په بې ځایه نیوکه د بل سپکاوی وکړي.
