جلالتمآب ولسمشره! موږ هلمندیانو خو ستا په حق کې خپل رسالت سرته ورسولو، هم مو رایه درکړه، هم مو ستا د برنامو څخه همېشه ملاتړ وکړ، حتَی ستا په ملاتړ مو پراخې غونډې جوړې کړې!
تا څه راسره وکړه؟
شمالي ولسوالۍ مې ټولې سکوت، په جنوب کې دوه ولسوالۍ سکوت، او د درې(۳) ولسوالیو یواځې مرکزونه زموږ په لاس کې دي!
مرکز لښکر ګاه هم په محاصره حالت کې ، او د ښار څلورمه حوزه چې د باباجې سیمه ده ، درې کاله کیږي چې د وسلوالو مخالفینو تر خپلې ولکې لاندې نیولې ده، او د لښکرګاه ښار د توغندیو تحدید لاندې دی.
د ښې حکومتدارۍ په برخه کې کوم بدلون؟
هغه اولس(۱۷) کلن رئيسان ناست دي ، د ګوتو په شمار یو څو ځوانان پر نویو دندو و ګمارل شول، غاصبینو ته مو نور امتیاز ورکړ!
ښه جلالتماب رئیس صاحب موږ دا منو چې مشکلات ډیر دي، د نن په راتګ دې خبره کوم، نن تا ته د هلمند د دردونو کوم اصلي انځور وړاندې شو، ټول پولیټر شوي خلک درته راټول شوي ول، فقط چې تا سره روغبړونه وکړي، او بله خبره دا ده چې تا نن د هلمندیانو سره لس ژمنې وکړې، چې هغه په لاندې ډول دي!
۱/ لوستي ځوانان مو راکړئ چې په کابل کې درته مقرر کړم!
۲/ د معارف د ستونزو حل زما لومړیتوب دی!
۳/د بې سرپرسته ښځو ژوند ته جدي پاملرنه کوم!
۴/په لښکرګاه ښار کې پنځه زره(۵۰۰۰) د نظامي شهیدانو کورنیو ته ځمکه ورکوم!
۵/ د کجکي د بند ظرفیت به لوړیږي!
۶/ د زمینداور کانال به حتمي جوړیږي!
۷/ په هلمند کې انتخاباتي مشکالات به څیړل کیږي!
۸/ د کرنې او کلیو پراختیا وزیران به د هلمند وچکالۍ ځپلې سیمو ته مرستې رسوي!
۹/ په هلمند کې به لوی اداري کمپلکس جوړیږي !
۱۰/ د هلمند ولایت د مقام په انګړ کې به معیاري د غونډو تالار جوړیږي!
قدرمن ولسمشره!
که تا په دغو وعدو کې تر راتلونکو اتخاباتو پورې شل سلنه(۲۰%) عملي کړه، نو ډېر کار به دې کړای وي!
او دا یوه وعده دې بيخي تعجب ده ، چې د زمینداور کانال جوړوم!
ته نه یې خبر چې شمالي هلمند ټول سکوت دی، یواځې د کجکي بند تر خپلې ولکې لاندې لرو.
تا د امنیت په اړه هیڅ ونه ویل، یواځې موږ ته امنیت راوله او بس !
