زموږ ګران هیواد چې څومره رنج له جګړې څخه وړي، تر هغه زیات د مافیه او بې عدالتیو څخه زوریږي!
ولسمشر غني چې کله واک ته ورسېد، د ملت یوه لویه غوښتنه او هیله دا وه چې د فساد په وړاندې به د کلک هوډ مباریزه کوي!
په لومړیو کې فاسد چارواکي او مافیه، ټول په ویره کې ول چې د حساب وخت رارسیدلای دی.
حکومت به د غاصبینو، خاینینو او مافیا په وړاندې ځانګړی دریځ لري.
په لومړیو کې په ځینې برخو کې اصلاحات محصوص ول، خو په وروستیو کې دا دریځ پڅ شو، ښه مثال یې د هلمند او نیمروز پخوانی مرستیال ښاغلی سردار محمد همدرد وو چې د پوره احساس او کلک هوډ سره سحنې ته راغی، د دغه ځوان هیلې او مبارزه دومره جوته وه، چې ډېر په جرأت سره یې د اصلاحاتو لړۍ راپیل کړه، د دې پرځای چې د دې مبارز ځوان کلکه حمایه شوی وای، او مرکزي حکومت يې د دې پر ځای چې ملا ور وتړي، بلکې هغه یې مایوسه او د د سپېڅلي ارمانونه یې د خاورو سره خاورې کړل.
زموږ د هیواد پرمختګ هغه وخت شونی دی، چې د فساد په وړاندې قاطع دریځ ولري، اصلاحات راولي، د اجتماعي عدالت او د ښې حکومتدارۍ لپاره پر وطن مین او رښتیني اشخاص پر دندو وګماري.
خو دا ګمارنې هغه وخت ښه نتیجه ورکولای شي، چې مرکزي حکومت یې د مافیا په مقابل کې کمزوری نه، بلکې ټینګ ملاتړ یې وکړي، زه همدرد صاحب د ډیره وخته پیژنم د هغه مباریزه د وطن د سو کالۍ لپاره ده، هغه په خپله هم له فساد څخه پاک، او د يو سپېڅلې ارادې خاوند دی، هغه د وظېفې نه مخکې هم د فاسدو اشخاصو په وړاندې اواز پورته کاوه ، او همیشه یې د اجتماغي عدالت او ښې حکومتولۍ لپاره خبره کوله.
زه په ولسمشر محمد اشرف غني غږ کوم، که غواړې چې یو ځل بیا په ولس کې بایللی ملاتړ ترلاسه کړې ، نو د فساد په وړاندې خپل دریځ قاطع کړه، اصلاحات راوله، د کار د خلکو ملاتړ وکړه، چې په دې کړنو سره به دې هم خپل ایماني مسولیت سرته رسولای وي او هم به د هیواد د پرمختګ لپاره ولس ته نوې هیلې ورپیدا شي.
کدرمن ولسشره! دا وطن په غلو او کمیشکارانو نه جوړیږي، تر څو چې دې په وطن مین او متحدو اشخاصو ته پرستونه برابر کړي نه یي، د دې وطن ناخوالې نه ختمیږي، بلکې ورځ تر بلې به ناخوالې ډیريږي، او ولس به له تا جلالتمآب ولسمشر سره واټن پیدا کوي په پای کې بیا هم په همدې خبره ټینګار کوم، چې دا وطن تعهد او مينې ته ضرورت لري، تر څو چې مو دغه اصل ته کار نه وي کړی، موږ په خپلو پښو ولاړ د یو پرمختللي افغانستان خاوند کیدلای نشو!
