بیا راغلی پدی سیمی یو محشردی
لوی ناورین د پښتنو په لراوبر دی
دلته کلي په جګړو کی تباه کیږي
هلته سیند خونړۍ شوی په خیبر دی
یوخوا وینی دي جګړۍ دي او وژنئ
بل خوا کورکلی ډوب کړی سمندر دی
په هرخواهمدا انسان دی چی ځوریږي
غوړېدلئ په هر کور د غم ټغر دی
چی اولاد د دی وطن شي بی تعلیمه
د دښمن برید د پوهۍ په سنګر دی
قوم مشران دي وژل کیږي یو په بله
د ولس زړه ویشتل شوی په خنجر دی
د انسان د وینئ هسې ارزاني ده
توپیرنشته چی چرګوړئ یا بشر دی
د جګړئ نه هرافغان نن ستړی شوی
هم ستومانه د وطن هر سم اوغردی
دا تیاری ورځی به څو پوری اوږدیږي؟
سولی ورځ پرما خالد باندی اختر دی
* * *
حفيظ الله خالد
/ ویانا / ۲۰ /۸ / ۲۰۱۰
