ستاسو په ژبه دغه پنځه نښې پنځه وژنکې ناروغۍ درته په ګوته کوي
ژباړه ډاکټر نيک محمد ويال د روهي وېب پاڼې څښتن
ژبه د انسان په وجود کې یو مهم غړی دی او څو مختلفې دندې تر سره کوي. ژبه په بنسټيز ډول د هضمې سېسټم غړي راځي، خو ورسره په څنګ نورې ډېرې مهمې دندې لکه: خبرې کول، په تنفس اخېستو کې مرسته او دا چې ځينې ناروغۍ هم درته په ګوته کوي.
په دې ژباړه کې د ژبې هغه پنځه نښې - نښانې درته ښييو، چې په لېدو يې ستاسو په وجود کې پنځه بيلا بېلې ناروغۍ درته ښيي او تاسو ورته متوجې کوي.
۱- په ژبه باندې د واري غوندې سپين رنګه ماده Thrush: کله چې د ژبې په سطحه يوه سپين رنګه ماده چې په انګليسی کې ورته Thrush وايي، راپيدا شي نو دا څرګندوي، چې ستاسو د وجود دفاعي سېسټم ځپل شوی او کمزوری شوی دی. Thrush د دفاعي سېسټم د کمزورتيا نښه ده، خو د دفاعي سېسټم دغه کمزورتيا د شکر ناروغۍ په وجه رامنځ ته شوې ده. هغه کسان چې د شکر ناروغي ولري، نو ډاکټر يې په معاينانو کې لومړی ژبه ګوري. هر څومره چې د ژبې پر سطحې دغه سپين رنګه ماده يا Thrush زيات وي نو په همدې اندازې د شکر درجه پورته تللې وي.
د شکر د ناروغۍ بله نښه د خولې وچوالی هم دی. نو کله چې خوله وچه شي، دغه سپين رنګه ماده يا Thrush پرې را پيدا کيږي. نو د خپل شکر د کنټرول لپاره کولی شئ، چئ د ژبې څخه مو پوه شئ او د ژبې د سطحې رنګ مو وګورئ.
۲- په ژبه باندې سور رنګه ټپونه Red sores: هغه وخت چې د ژبې په سطحه يا د خولې دنه په نورو برخو لکه اوريو او تالو باندې سور رنګه ټپونه Red sores راپيدا شي، نو د ايډز يا HIV ناروغي درته ښيي. په ايډز يا HIV کې هم د وجود دفاعي سېسټم يا immune system کمزوری کيږي او په پايله کې يې پر ژبه ټپونه راپيدا کيږي. د يادونې وړ ده، چې د ايډز يا HIV په حالت کې د شکر غوندې سپين رنګه ماده هم په ژبه باندې راښکاره کيږي.
۳- د ژبې سوځېدل Tongue burnimg: که چېرې پرته له کوم بل څرګند لامل مو ژبه سوځي او خوراک پرې نه شی کولی، نو د هضمي سېسټم ناروغي درته ښيي. هر کله چې کوچنۍ کولمې ونه شي کولی چې د اړتيا وړ ويټامينونه او منرالونه جذب کړي، نو په پايله کې يې ژبه وچيږي او سوځي.
۴- په ژبه باندې د غوټۍ پيدا کېدل: له دوه اونيو څخه د ډېر وخت لپاره په ژبه باندې د غدو او غوټو را پيدا کېدل، د خولې، اورميږ، سر او مريو د سرطان نښه ده. که په ژبه مو پرته له کومې بلې مشخصې شوې ستونزې، غوټۍ او ټپونه راپيدا شي او عمر يې له دوه اونيو هم ډېر وي، د سرطان نښې - نښانې درته ښيي.
۵- روښانه سور رنګ لرونکې ژبه Bright red tongue: که چېرې ستاسو د ژبې رنګ روښانه سور وي، نو دا هم د ناروغۍ نښه ده. هغه وخت چې وجود د ويټامينونو او په ځانګړي ډول د بي ۱۲ ويټامين، اوسپنې او نورو منرالونو له کمښت سره مخ وي، نو د ژبې رنګ دا ډول کيږي.
یادونه: هغه وخت چې ستاسې ژبه پورته نښې - نښانې ونه لري او رنګ يې ګلابي وزمه (pinkish-red) وي، نو ژبه به مو په يو روغتيايي وضعيت کې ده.
