(روهي ـ۱۳۹۷لمریز،غبرګولې۱۷مه) امریکايي سناتور راند پال تازه له فاکس نیوز ته ویلي؛ امریکا ته نه ده په کار چې تر دې ډېر ځان په جګړو کې ښکېل کړي.
د نوموړي په باور امریکایي حکومت باید په ننني عصر کې د جګړو پر ځای د امریکا د اقتصادي ودې په اړه فکر وکړي.
ښاغلي راند پال غوښتنه کړې، چې د خلکو مالیات دې په بهرنیو هېوادونو کې په اوږدو جګړو نه لګوي.
د هغه په وینا، امریکايي سناتوران دې هم په دې بحثونه وکړي چې په افغانستان کې یې د ۱۷ کلن ماموریت، ملیاردونو ډالرو لګولو، سلګونه کسانو د وژل کېدلو، ستونزو، وېرو او په دې برخه کې د انرژۍ پر مصرفولو د امریکا موخه او ګټه څه ده.
هغه ټینګار کړی، چې اوس ټوله نړۍ د امریکا له نظامي حضور سره مخالفه ده
