(روهي ـ ۱۳۹۷لمریز،غبرګولې۸مه) تمه ده، چې د اسرائیل دفاع وزیر اویګدور لېبرمن د مې پر ۳۱ مه مسکو ته ولاړ شي او له خپل روسي سیال سرګي شویګو سره وګوري.
هغه تېره ورځ دا اعلان کړی، خو پلان شوېو خبرو په اړهیې نور جزئیات نهدي ورکړل شوي.
په راپورونو کې چې د اسرائیل استخباراتو مشر او نور دفاعي چارواکي به هم له ده سره پهدې سفر کې ملګري وي.
ویل شوي، دا سفر د روسیې د دفاع وزیر په بلنه ترسره کېږي چې تېره اوونۍ یې د ټیلیفون له لارې ورکړې وه.
ښکاري، چې دواړه وزیران به د سوریې پر حالاتو وغږېږي.
مسکو د سوریې د حکومت سره پوځي مرسته کوي، پهداسې حال کې چې اسرائیل په سوریې کې د ایران او ایران پلوه ځواکونو له حضوره اندېښنه لري.
