(روهي ـ۱۳۹۷لمریز،وری۳۰مه) رسنیو راپور ورکړی، چې د جرمني صدراعظمه د امریکا له ولسمشر ډونالډ ټرمپ سره ګوري
ویل شوي، چې د اپرېل په ۲۷مه د دوېیم ځل لپاره په سپینهماڼۍ کې به د دواړو لوړپوړو مشرانو لیدنه ترسره کېږي.
د جرمني د حکومت ویاندې اولریکې دیمیر ویلي، د ځینو نړیوالو ستونزو کې د جرمني او متحدو ایالتونو ګټې شریکې دي.
په وینا یې له همدې کبله، د دواړو هېوادونو مشران سره خبرې کوي.
معلوماتو له مخې، په دې لیدنه کې له روسیې سره اړیکې، د سوریې جګړه، او د ایران د اټمي موافقه هغه موضوعات دي چې اغلې مرکل او ټرمپ به پرې سره بحث وکړي.
جرمني حکومت ویاندې په وینا، د سپینېماڼۍ تر کتنې مخکې مرکل نن پنجشنبه د فرانسې د ولسمشر ایمانوئل مکرون کوربنه ده.
